VIDEO: આણંદ: વોર્ડ 7 ના ભાજપ કોર્પોરેટર પ્રભાત પ્રજાપતિનો વૃદ્ધ સાથે દાદાગીરીનો વીડિયો વાયરલ

આણંદની કરમસદ આણંદ મનપાના વોર્ડ નંબર સાત ના ભાજપના કોર્પોરેટર પ્રભાત પ્રજાપતિએ વૃદ્ધ સાથે દાદાગીરી કરી હોય તેવો વીડિયો સોશિયલ મીડિયામાં વાયરલ થયો છે..વોર્ડ નંબર સાતમાં ચાલી રહેલા રોડના કામમાં ગેરરીતિની એક સિનિયર સિટીઝને આક્ષેપ લગાવીને કોર્પોરેટરને રજૂઆત કરવા ગયા હતા.. ત્યારે સત્તાના નશામાં ભાન ભૂલેલા કોર્પોરેટર  જાહેરમાં ગુસ્સે ભરાયા હતા અને વડીલ સાથે અશોભનીય વર્તન તથા બોલાચાલી કરી હતી. ભાજપ કોર્પોરેટરની આ દાદાગીરી અને વાણી વિલાસ જોઈને સ્થાનિક લોકોમાં ભારે આશ્ચર્ય અને આક્રોશ ફેલાયો છે, જે હાલ સમગ્ર શહેરમાં જોરદાર ચર્ચાનો વિષય બન્યો છે.