રાષ્ટ્રપતિ પદના શપથ પહેલા ટ્રમ્પ જેલમાં જશે? સુપ્રીમ કોર્ટે સજા ટાળવાની અપીલ ફગાવી

ડોનાલ્ડ ટ્રમ્પના હશ મની કેસમાં સુપ્રીમ કોર્ટે સજા ટાળવાની અપીલને નકારી દીધી છે. જેનાથી ટ્રમ્પની કાયદાકીય મુશ્કેલીઓમાં વધારો થયો છે. ટ્રમ્પ પોર્ન સ્ટાર સ્ટૉર્મી ડેનિયલ્સને 1.3 લાખ ડૉલર આપવાના મામલે ગુનેગાર સાબિત થયા છે. સુપ્રીમ કોર્ટની બેન્ચે ટ્રમ્પની અપીલને નકારતા ન્યાયાધીશ જુઆન એમ મર્ચેનને શુક્રવારે સજા સંભળાવવાની મંજૂરી આપી દીધી છે.

આ પણ વાંચોઃ પ્રજાસત્તાક દિને મુખ્ય મહેમાનને લઈને અસમંજસની સ્થિતિ, પાકિસ્તાની કનેક્શન ભારતને નામંજૂર!

ટ્રમ્પે આરોપ નકાર્યા

હશ મની કેસમાં ડોનાલ્ડ ટ્રમ્પ પર આરોપ છે કે, તેઓએ 2006માં સ્ટૉર્મી ડેનિયલ્સ સાથે પોતાના સંબંધ સંતાડવા માટે હશ મની આપવાનો પ્રયાસ કર્યો હતો. ટ્રમ્પે આ આરોપોને નકારી દીધા છે. ન્યુયોર્કની કોર્ટે જોયું કે, ટ્રમ્પની સામે બિઝનેસ રૅકોર્ડમાં હેરાફેરીના રૅકોર્ડમાં 34 કેસમાં તે ગુનેગાર છે, જે પોતાના ખાનગી મામલે જોડાયેલા છે ન કે રાષ્ટ્ર પ્રમુખના સત્તાવાર કામો સાથે.

ન્યાયાધીશ મર્ચેનના નિર્ણય પર પ્રતિક્રિયા

હશ મની મામલે સુનાવણી કરી રહેલાં ન્યાયાધીશ ઝુઆન એમ મર્ચેને પહેલાં જ જણાવી દીધું હતું કે, ટ્રમ્પને સજા સંભળાવવામાં આવશે, પરંતુ તે તેની ચૂકવણી નહીં કરે. ન તો તેમના પર દંડ લાદવામાં આવશે. જોકે, આ દરમિયાન ટ્રમ્પના વકીલોએ આ સજાને રાજકારણથી પ્રેરિત જણાવીને ખોટી કરાર કરી દેવાઈ છે. તેણે કહ્યું કે, આ મામલાના કારણે રાષ્ટ્ર પ્રમુખ બનવાની પ્રક્રિયામાં અવરોધ ઊભો કરવામાં આવી શકે છે. ટ્રમ્પના વકીલ ડી જૉન સૉયરે કોર્ટમાં દલીલ કરી કે, ટ્રમ્પની અપીલ પર સુનાવણી સુધી સજા ટાળી દેવી જોઈએ, જેથી રાષ્ટ્ર પ્રમુખ બનવાની પ્રક્રિયામાં મુશ્કેલી ઊભી ન થાય.