VIDEO/ સામાન્ય જનતા પર ટેક્સનો બોજ: નેપાળ સરકારના નિર્ણયથી સરહદી વિસ્તારોમાં હોબાળો
છેલ્લું અપડેટ : 20 Apr 2026
સોર્સ : twitter
નેપાળમાં બાલેન શાહ સરકાર દ્વારા ભારતથી આવતી વસ્તુઓ પર કસ્ટમ ડ્યુટી કડક બનાવતા વિરોધ પ્રદર્શનો શરૂ થયા છે. નવા આદેશ મુજબ, ભારતથી આયાત કરવામાં આવતી ૧૦૦ નેપાળી રૂપિયાથી વધુ કિંમતની તમામ ચીજવસ્તુઓ પર હવે ટેક્સ વસૂલવામાં આવશે. જોકે આ નિયમ વર્ષો જૂનો છે, પરંતુ વ્યવહારિક મુશ્કેલીઓને કારણે અત્યાર સુધી તેનો ચુસ્ત અમલ થતો ન હતો. સરકારની આ કડકાઈ બાદ નેપાળની સશસ્ત્ર પોલીસે ભારત સરહદે આવેલી ચોકીઓ પર સુરક્ષા અને દેખરેખ વધારી દીધી છે. આ નિર્ણયથી સામાન્ય લોકોમાં ભારે રોષ જોવા મળી રહ્યો છે, કારણ કે રોજબરોજની વસ્તુઓ મોંઘી થવાની ભીતિ છે. સ્થાનિક લોકો આ નીતિનો વિરોધ કરી રહ્યા છે, જ્યારે સરકાર મહેસૂલ વધારવા માટે કડક અમલ પર અડગ છે.
