VIDEO: ભારત સહિત 20 દેશોનો દવાના ટેરિફ પર અમેરિકાની રાહત
છેલ્લું અપડેટ : 29 Sept 2026
સોર્સ : gstv
અમેરિકાએ ભારત સહિત 20 દેશોને કેટલીક ખાસ દવાઓ અને તેમાં વપરાતા કાચા માલ પર ઝીરો ટેરિફની સુવિધા આપવાની જાહેરાત કરી છે. આ નિર્ણય એવા સમયે આવ્યો છે જ્યારે અમેરિકા કેટલીક લાયસન્સ પ્રાપ્ત દવાઓ પર 100 ટકા ટેરિફ લગાવવાની તૈયારી કરી રહ્યું છે. અમેરિકી વાણિજ્ય વિભાગ અનુસાર આ ઝીરો ટેરિફની સુવિધા સમગ્ર ફાર્માસ્યુટિકલ કારોબાર પર લાગુ નહીં થાય. તેનો લાભ દુર્લભ બીમારીઓની દવાઓ, ન્યુક્લિયર મેડિસિન, પ્લાઝ્મા ઉપચાર અને ઇનફર્ટિલિટી સંબંધિત દવાઓને મળશે. આ ઉપરાંત સેલ અને જીન થેરાપી, એન્ટીબોડી-ડ્રગ કંજ્યુગેટ્સ તથા રાસાયણિક, જૈવિક અને ન્યુક્લિયર ખતરાઓ સામે વપરાતી દવાઓને પણ મુક્તિ આપવામાં આવી છે. પશુઓની સારવારમાં વપરાતી કેટલીક દવાઓ અને તેના સંબંધિત ઇન્ગ્રીડિઅન્ટ્સ પર પણ આ જ નિયમ લાગુ થશે.
