VIDEO: રશિયાએ એક વિશાળ ડ્રોનનો ઉપયોગ કરીને યુક્રેનનો એક પુલ ઉડાવી દીધો; આ સમગ્ર દ્રશ્ય વીડિયોમાં કેદ
છેલ્લું અપડેટ : 05 Oct 2026
સોર્સ : gstv
રવિવારે સવારે રશિયાએ યુક્રેનની રાજધાની કિવમાં આવેલા એક મુખ્ય પુલને નિશાન બનાવ્યો હતો. 'નોર્ધર્ન બ્રિજ' પર થયેલા આ હુમલાનો એક વીડિયો સામે આવ્યો છે, જેમાં ડ્રોન હુમલા બાદ તરત જ પુલમાંથી ભીષણ જ્વાળાઓ અને કાળા ધુમાડાના ગોટેગોટા નીકળતા જોઈ શકાય છે. નોંધનીય છે કે હુમલા સમયે પુલ પર વાહનોની અવરજવર ચાલુ હતી. કિવના મેયર વિતાલી ક્લિટ્શકોના જણાવ્યા અનુસાર, આ ઘટનામાં બે લોકો ઘાયલ થયા છે.
ડ્રોન હુમલો એવા સમયે થયો જ્યારે જર્મન ચાન્સેલર ઝેલેન્સ્કીને મળવા માટે કિવ પહોંચ્યા
રશિયાનો આ ડ્રોન હુમલો એવા સમયે થયો જ્યારે જર્મન ચાન્સેલર ફ્રેડરિક મર્ઝ યુક્રેનના રાષ્ટ્રપતિ વોલોડીમિર ઝેલેન્સ્કીને મળવા માટે કિવ પહોંચ્યા હતા. તેમના આગમન સમયે સમગ્ર શહેરમાં હવાઈ હુમલાની ચેતવણી આપતા સાયરન વાગી રહ્યા હતા, વિસ્ફોટોના અવાજો સંભળાઈ રહ્યા હતા અને એર ડિફેન્સ સિસ્ટમ્સ સક્રિય કરી દેવામાં આવી હતી.
નોર્ધન બ્રિજ પર હુમલાની પુષ્ટિ કરતા, રશિયાના સંરક્ષણ મંત્રાલયે જણાવ્યું હતું કે પુલને નિશાન બનાવવામાં આવ્યો હતો કારણ કે તેનો ઉપયોગ સૈનિકો અને લશ્કરી સાધનોની અવરજવર માટે થતો હતો. રશિયાએ એવો પણ દાવો કર્યો હતો કે ઓડેસા બંદર તરફ લશ્કરી સાધનોનું પરિવહન કરતા બે કાર્ગો જહાજો પર હુમલો કરવામાં આવ્યો હતો.
આ હુમલાઓને ધ્યાનમાં રાખીને, કિવએ ડિનીપર નદી પર અનેક વૈકલ્પિક ક્રોસિંગ સ્થાપિત કરવાની તૈયારીઓની જાહેરાત કરી છે. યુક્રેન કહે છે કે જો પુલ પર હુમલા ચાલુ રહેશે, તો આ વૈકલ્પિક માર્ગો જરૂરી બની શકે છે.
આ હુમલાઓને ધ્યાનમાં રાખીને, કિવએ ડિનીપર નદી પર અનેક વૈકલ્પિક ક્રોસિંગ સ્થાપિત કરવાની તૈયારીઓની જાહેરાત કરી છે. યુક્રેન કહે છે કે જો પુલ પર હુમલા ચાલુ રહેશે, તો આ વૈકલ્પિક માર્ગો જરૂરી બની શકે છે.
