ફ્રાન્સમાં મોંઘવારી સામે જનઆક્રોશ, પ્રદર્શનકારીઓએ લિમોગેસના ઐતિહાસિક ટાઉન હોલને સળગાવી દીધો

ફ્રાન્સ આ સમયે જીવન નિર્વાહના ખર્ચ સામે રસ્તા પર ઉતરી આવ્યું છે. અહીં પેરિસ સહિત અન્ય જગ્યાઓ પર મોટા પ્રમાણમાં વિરોધ પ્રદર્શન જોવા મળી રહ્યું છે. આ વચ્ચે લિમોગેસનું ઐતિહાસિક ટાઉન હોલ ભીષણ આગની લપેટમાં આવીને ધરાશાયી થઈ ગયું છે. આ 143 વર્ષ જૂનું છે. તેને વર્ષ 1873માં બનાવવામાં આવ્યું હતું. વિશ્વયુદ્ધ ઝીલનારી આ ઇમારતનું ઉદ્ઘાટન વર્ષ 1883માં થયું હતું, પરંતુ હવે પોલીસ અને પ્રદર્શનકારીઓ વચ્ચે થયેલી હિંસક અથડામણમાં તેને આગ ચાપી દેવામાં આવી છે. લોકો વધતી મોંઘવારી અને ઈંધણના ભાવોને લઈને રોષે ભરાતા ઉગ્ર વિરોધ કરી રહ્યા છે.

વિસ્તારમાં ફાયર બ્રિગેડની ટીમ તૈનાત

એક ન્યૂઝ રિપોર્ટ મુજબ, લિમોગેસમાં સ્થિત ટાઉન હોલની ઇમારત ખૂબ જ નષ્ટ થઈ ચૂકી છે. પ્રદર્શનકારીઓ તરફથી ઇમારતને નિશાન બનાવવા પર સખત નિંદા થઈ રહી છે. પ્રદર્શનકારીઓએ પહેલાં ટાઉન હોલની બહાર પોલીસની ગાડીને નિશાન બનાવી. તેમાં આગ લગાવી, બારીઓ તોડી અને ઇમારતમાં ઘૂસીને તેને આગના હવાલે કરી દીધી. હવે વિસ્તારમાં ફાયર બ્રિગેડની ટીમ તૈનાત કરવામાં આવી છે.

વિરોધ પ્રદર્શનોમાં આશરે 5.5 લાખ લોકો સામેલ થયા

ફ્રાન્સના ગૃહ મંત્રાલયે જણાવ્યું કે શનિવારે થયેલા વિરોધ પ્રદર્શનોમાં આશરે 5.5 લાખ લોકો સામેલ થયા. જ્યારે સીજીટી યુનિયનનું કહેવું છે કે તેમાં 8 લાખ પ્રદર્શનકારીઓએ ભાગીદારી કરી. એક સમાચાર એજન્સીના રિપોર્ટ મુજબ, આશરે 1200 લોકોની ધરપકડ કરવામાં આવી ચૂકી છે. ફ્રાન્સના શહેરોમાં આગચંપી, લૂંટફાટ અને તોડફોડ થઈ છે.

પોલીસે પણ સાવચેતી રૂપે બુકાનીધારી પ્રદર્શનકારીઓ પર ટીયર ગેસના ગોળા છોડ્યા અને વોટર કેનનનો ઉપયોગ કર્યો છે. પ્રદર્શનકારીઓએ રાજધાનીમાં રાખેલી ગાડીઓને સળગાવી દીધી. લ્યોન શહેરમાં પ્રદર્શનકારીઓએ એક ટૂરિસ્ટ ઓફિસને આગ લગાડી દીધી. તેમણે માર્સેઈલ, લિલેમાં ટાઉન હોલ અને બોર્ડોક્સમાં એક પોલીસ પરિસરની ઇમારતમાં ઘૂસીને નુકસાન પહોંચાડ્યું. પેરિસના મેયર ઇમેન્યુઅલ ગ્રેગોઇરે કહ્યું છે કે રાજધાનીમાં આખો રસ્તો બરબાદ થઈ ચૂક્યો છે. રાષ્ટ્ર પ્રમુખે ચેતવણી આપી છે કે જે લોકોએ પણ આ પ્રકારનો ઉપદ્રવ કર્યો છે, તેમની સામે કેસ ચલાવવામાં આવશે. તેમને સજા આપવામાં આવશે.

ફ્રાન્સના ગૃહ મંત્રાલયે શું કહ્યું?

એક સંસ્થાના રિપોર્ટ મુજબ, ગૃહ મંત્રાલયે કહ્યું છે કે પેરિસ અને રેનેસ, ટૂલૂઝ અને એંગર્સ જેવા શહેરોમાં બુકાનીધારી અલ્ટ્રા-લેફ્ટ પ્રદર્શનકારીઓ એકઠા થયા. આ જૂથોએ લ્યોન, મોન્ટપેલિયર અને વેલેન્સ જેવી જગ્યાઓ પર રસ્તાની બાજુમાં રાખેલા સામાનમાં આગ લગાવી. સાર્વજનિક ઇમારતોને નુકસાન પહોંચાડ્યું. દુકાનોમાં લૂંટફાટ કરી.

પહેલાં ચેતવણી આપવામાં આવી હતી: અમેરિકાના ઉપરાષ્ટ્રપ્રમુખ

બીજી તરફ અમેરિકાના ઉપરાષ્ટ્રપ્રમુખ જેડી વેન્સે આ ઘટના પર ફ્રાન્સમાં થયેલા ઇમિગ્રેશનને લઈને પશ્ચિમી ઉદારવાદીઓને જવાબદાર ઠેરવ્યા છે. તેમણે એક્સ પર પોસ્ટ કરતા લખ્યું કે પશ્ચિમી ઉદારવાદીઓએ વિવિધતા અને કરુણાના નામે ફ્રાન્સ અને અન્ય દેશોમાં ત્રીજી દુનિયાના લોકોને લાવીને વસાવી દીધા. તેમણે સમાજમાં હળીમળીને રહેવા અને અનુકૂળ પાયાના સવાલોને નજરઅંદાજ કરી દીધા. તેમને પહેલાં ચેતવણી આપવામાં આવી હતી, પરંતુ તેમણે તેને ધ્યાને લીધી નહીં.

વેન્સે કહ્યું કે હું પ્રાર્થના કરું છું કે અદભૂત લોકોથી ભરેલું સુંદર ફ્રાન્સ આ પાગલપનને રોકી દે. તેના પહેલાં કે ત્યાંની ઐતિહાસિક ઇમારતને સળગાવી દેવામાં આવે. મને આશા છે કે અમેરિકન લોકો તેના પર ધ્યાન આપશે. કોંગ્રેસના ડેમોક્રેટ્સ તમારા દેશ માટે આવું જ ભવિષ્ય ઇચ્છે છે.