નૌસેનાના જવાનને હનીટ્રેપમાં ફસાવ્યો, પાકિસ્તાની એજન્ટે મેળવી સંવેદનશીલ માહિતી

ભારતીય નૌસેનાના એક જવાનને પાકિસ્તાની મહિલા (Intelligence Agent)ને સંવેદનશીલ રક્ષા માહિતી લીક કરવાના આરોપમાં ધરપકડ કરવામાં આવી છે. પોલીસના જણાવ્યા મુજબ જવાન સોશિયલ મીડિયા (Social Media) મારફતે હનીટ્રેપ (Honey Trap)માં ફસાયો હતો. આરોપ છે કે તેણે વિશાખાપટ્ટનમ સ્થિત નૌસેનાના બેઝ અને નૌસેનાની ગતિવિધિઓ સાથે જોડાયેલી મહત્વપૂર્ણ માહિતી શેર કરી હતી.

આ પણ વાંચો :

'ખૂબ જ સૌભાગ્યશાળી અનુભવી રહ્યો છું...' INS વિક્રાંત પર PM મોદીએ નૌસેનાના જવાનો સાથે દિવાળી ઉજવી

ભારતીય નૌસેનાના અતિસંવેદનશીલ વિસ્તારમાંથી મળ્યું ચાઈનિઝ GPSથી સજ્જ પક્ષી, સુરક્ષા એજન્સી એલર્ટ

સોશિયલ મીડિયા પર પાકિસ્તાની મહિલા સાથે થઈ ઓળખાણ

આ પણ વાંચો :

VIDEO: ઈરાન યુદ્ધના વિરોધમાં US સેનેટમાં હોબાળો, અમેરિકન નૌસેનાના નિવૃત્ત સૈનિકની સુરક્ષાકર્મીઓ સાથે ઝપાઝપી

અમદાવાદમાં નકલી IPSનો રોફ: કાલુપુર સ્ટેશન પર પોલીસ જવાનને ધમકાવ્યો, "સેલ્યુટ કેમ ન મારી, વર્દી ઉતરાવી દઈશ"

આંધ્ર પ્રદેશ પોલીસની કાઉન્ટર ઇન્ટેલિજન્સ (Counter Intelligence) સેલે 3 ઓક્ટોબરે કોયમ્બતૂર સ્થિત INS અગ્રણીમાંથી 31 વર્ષીય પ્રદીપ મુખર્જીની ધરપકડ કરી હતી. પશ્ચિમ બંગાળનો રહેવાસી પ્રદીપ 2014માં ભારતીય નૌસેનામાં જોડાયો હતો અને હાલમાં વિશાખાપટ્ટનમ સ્થિત ઈસ્ટર્ન નેવલ કમાન્ડ (Eastern Naval Command)માં તૈનાત હતો.

કોયમ્બતૂરમાં તે મેનેજમેન્ટ ડેવલપમેન્ટ કોર્સ (Management Development Course)માં ભાગ લેવા પહોંચ્યો હતો. આ દરમિયાન પોલીસ દ્વારા તેની ધરપકડ કરવામાં આવી હતી.

પહેલા મિત્રતા, પછી ગોપનીય માહિતી મેળવવાનો ખેલ

તપાસ અનુસાર થોડા મહિના પહેલાં એક પાકિસ્તાની મહિલા જાસૂસે સોશિયલ મીડિયા દ્વારા પ્રદીપ સાથે સંપર્ક કર્યો હતો. શરૂઆતમાં બંને વચ્ચે સામાન્ય વાતચીત થઈ હતી, પરંતુ ધીમે ધીમે મહિલાએ તેની સાથે નિકટતા વધારી અને કથિત રીતે તેને હનીટ્રેપના જાળમાં ફસાવ્યો.

આરોપ છે કે ત્યારબાદ મહિલાએ પ્રદીપ પાસેથી નૌસેનાની વ્યૂહાત્મક સંપત્તિ (Strategic Assets), નૌકાદળના કાફલાની ગતિવિધિઓ અને વિશાખાપટ્ટનમ બેઝ સંબંધિત સંવેદનશીલ માહિતી મેળવી હતી.

કેટલી અને કઈ માહિતી લીક થઈ તેની તપાસ

હાલ પોલીસ અને ગુપ્તચર એજન્સીઓ એ તપાસ કરી રહી છે કે પ્રદીપે કથિત રીતે કેટલી માહિતી શેર કરી હતી અને તેમાં કઈ-કઈ વિગતો સામેલ હતી. તપાસ એ દિશામાં પણ ચાલી રહી છે કે આ સમગ્ર નેટવર્કમાં અન્ય કોઈ વ્યક્તિ સામેલ હતી કે નહીં.

પોલીસે પ્રદીપને સ્થાનિક મેજિસ્ટ્રેટ સમક્ષ રજૂ કરીને ટ્રાન્ઝિટ વોરંટ (Transit Warrant) મેળવ્યું હતું. ત્યારબાદ વધુ પૂછપરછ માટે તેને વિજયવાડા સ્થિત ઇન્ટેલિજન્સ હેડક્વાર્ટર (Intelligence Headquarters) લઈ જવામાં આવ્યો હતો.

સોશિયલ મીડિયા હનીટ્રેપ સામે સુરક્ષા એજન્સીઓની ચિંતા

સોશિયલ મીડિયા મારફતે સૈન્ય કર્મચારીઓને નિશાન બનાવવાના પ્રયાસો સુરક્ષા એજન્સીઓ માટે ગંભીર ચિંતાનો વિષય છે. અજાણી વ્યક્તિ સાથે ઓનલાઈન મિત્રતા બાદ વ્યક્તિગત અથવા સંવેદનશીલ માહિતી શેર કરવી રાષ્ટ્રીય સુરક્ષા માટે જોખમી બની શકે છે. પ્રદીપ મુખર્જી સામેના આરોપોની તપાસ ચાલુ છે અને આગળની પૂછપરછમાં વધુ વિગતો બહાર આવવાની શક્યતા છે.