VIDEO: યુદ્ધના તણાવ વચ્ચે ઈરાન-અમેરિકા વચ્ચે ત્રણ કલાક બેઠક, ઈરાને યુદ્ધ ખતમ કરવા મૂકી શરતો
છેલ્લું અપડેટ : 23 Sept 2026
ન્યુયોર્ક ખાતે યોજાયેલા યુએનજીએ સત્ર દરમિયાન અમેરિકા અને ઈરાન વચ્ચે એક મહત્વપૂર્ણ ઉચ્ચ સ્તરીય બેઠક યોજાઈ હતી. આ બેઠક અંદાજે 3 કલાક સુધી ચાલી હતી, જેમાં અમેરિકી અધિકારીઓ સ્ટીવ વિટકૉફ અને જેરેડ કુશનર સાથે ઈરાનના વિદેશ મંત્રી અબ્બાસ અરાઘચી પણ સામેલ થયા હતા. આ બેઠક દરમિયાન ઈરાને હોર્મુજ ખાડીને સંપૂર્ણપણે ખોલવા અને યુદ્ધ સમાપ્ત કરવા માટે કેટલીક શરતો રજૂ કરી હતી. ટ્રમ્પે તાજેતરમાં જ ઈરાનને કોઈ સમજૂતી ન થવા પર સંપૂર્ણ તબાહીની ધમકી આપી હતી, પરંતુ આ નિવેદનના થોડા જ કલાકો બાદ બંને દેશો વચ્ચે આ હાઈ-લેવલ બેઠક યોજાઈ હોવાના અહેવાલ સામે આવ્યા હતા. ટ્રમ્પે ખુદ માહિતી આપી હતી કે આ બેઠક ખૂબ જ સકારાત્મક રહી હતી અને લગભગ 3 કલાક સુધી ચાલી હતી. ઈરાની સરકારી મીડિયાના દાવા મુજબ, આ બેઠક અમેરિકી પ્રતિનિધિ સ્ટીવ વિટકૉફની વિનંતી પર યોજાઈ હતી. બેઠકમાં ઈરાન તરફથી નૌસૈનિક નાકાબંધી તરત જ હટાવવા, ફ્રિઝ કરેલા ઈરાની ફંડને તુરંત જારી કરવા અને તમામ મોરચે યુદ્ધ ખતમ કરવા જેવી કડક શરતો રાખવામાં આવી હતી.
