VIDEO: ઇમરાન ખાનને તાત્કાલિક તબીબી સહાયની જરૂર: પુત્રની અપીલ
છેલ્લું અપડેટ : 27 Jul 2026
સોર્સ : gstv
પાકિસ્તાનના પૂર્વ વડાપ્રધાન ઇમરાન ખાનના પુત્ર કાસિમ ખાને જણાવ્યું છે કે તેમના પિતા ૧,૧૦૦ દિવસથી જેલમાં છે અને તેમને તાત્કાલિક તબીબી સહાયની જરૂર છે. તેમણે આંતરરાષ્ટ્રીય સમુદાયને હસ્તક્ષેપ કરવા અપીલ કરી છે.રાવલપિંડીની અદિયાલા જેલમાં કેદ ઇમરાન ખાનની ધરપકડ ૫ ઓગસ્ટ ૨૦૨૩ના રોજ તોશાખાના કેસમાં દોષિત ઠેરવ્યા બાદ કરવામાં આવી હતી. ત્યારબાદ અનેક કેસોમાં દોષિત ઠરતાં તેમની જેલ સજા ચાલુ રહી છે.કાસિમ ખાને X પર પોસ્ટ કરીને કહ્યું કે માર્ચ મહિનાથી તેમણે કે તેમના ભાઈએ પિતાનો અવાજ સાંભળ્યો નથી અને મહિનાઓથી સંપર્ક કરવાનો ઇનકાર કરવામાં આવી રહ્યો છે.
