VIDEO : યુએસ-ઈરાન વચ્ચે ઐતિહાસિક શાંતિ કરાર, હોર્મુઝ સ્ટ્રેટ ખુલશે
છેલ્લું અપડેટ : 15 Jun 2026
યુનાઇટેડ સ્ટેટ્સ અને ઈરાન વચ્ચે એક ઐતિહાસિક શાંતિ કરાર થયો છે, જેના પર આગામી શુક્રવારે સ્વિટ્ઝર્લૅન્ડમાં ઔપચારિક હસ્તાક્ષર થશે. અમેરિકાના રાષ્ટ્રપતિ ડોનાલ્ડ ટ્રમ્પે સોશિયલ મીડિયા પર યુદ્ધના અંતની જાહેરાત કરતા લખ્યું કે, ઈરાન સાથેનો કરાર સંપૂર્ણ થઈ ગયો છે અને હોર્મુઝ સ્ટ્રેટ હવે વેપાર માટે ખુલશે તેમજ ત્યાંથી યુએસ નૌકાદળની નાકાબંધી સમાપ્ત થશે. હસ્તાક્ષર બાદ બંને દેશો વચ્ચે 60 દિવસનો યુદ્ધવિરામ શરૂ થશે અને પરમાણુ કરાર માટે વાટાઘાટો હાથ ધરાશે.બીજી તરફ, ઈરાનના નાયબ વિદેશ મંત્રી કાઝેમ ઘરીબબાદીએ જણાવ્યું છે કે 60 દિવસની વાટાઘાટો અમેરિકા દ્વારા ત્રણ વચનો પૂરા કરવા પર નિર્ભર રહેશે. આ શરતોમાં નૌકાદળ નાકાબંધી હટાવવી, લશ્કરી કામગીરીનો અંત લાવવો અને અબજો ડોલરના સ્થિર થયેલા ઈરાની ભંડોળને મુક્ત કરવાનો સમાવેશ થાય છે. ઈરાને સ્પષ્ટ કર્યું છે કે નાણાકીય પ્રતિબદ્ધતાઓ પૂરી થયા બાદ જ તકનીકી કાર્યકારી જૂથની બેઠકો શરૂ થશે.
