VIDEO: ફ્રાન્સ વિરોધ પ્રદર્શન: ટ્રમ્પનો વિવાદસ્પદ દાવો, ઈસ્લામને ગણાવ્યું જવાબદાર
છેલ્લું અપડેટ : 07 Oct 2026
અમેરિકાના પ્રમુખ ડોનાલ્ડ ટ્રમ્પે ફ્રાન્સમાં વિદ્યાર્થીઓના મોટા પાયે થઈ રહેલા વિરોધ પ્રદર્શનો અને મોટા પાયે થયેલા સ્થળાંતર મુદ્દે ઇસ્લામને જવાબદાર ઠેરવ્યો છે. ટ્રમ્પે સોશિયલ મીડિયા પ્લેટફોર્મ 'ટ્રુથ સોશિયલ' પર આ વાતો લખી હતી. જોકે, તેમણે પોતાના દાવા પાછળ કોઈ પુરાવા આપ્યા નહોતા. ટ્રમ્પે 'ટ્રુથ સોશિયલ' પર એક પોસ્ટમાં કહ્યું, 'ફ્રાન્સમાં જે થઈ રહ્યું છે, તે મોટા પાયે થઈ રહેલા અસંતુલિત પલાયનનું પરિણામ છે. આ શાળાઓ વિશે નથી, પરંતુ ઇસ્લામના એ મકસદ વિશે છે, જેના હેઠળ તે એક સમયે મહાન દેશ પર કબજો કરવા માંગે છે!'
નેબ્રાસ્કામાં પણ ટ્રમ્પે કર્યુ હતુ સંબોધન
આ પહેલા સોમવારે ડોનાલ્ડ ટ્રમ્પે નેબ્રાસ્કામાં પોતાના સમર્થકોની ભીડને સંબોધતા કહ્યું હતું કે, ઈરાન લોસ એન્જિલસ કે સેન ડિએગો જેવા અમેરિકાના કોઈ મોટા શહેરને નષ્ટ કરી શકે છે. એક રાજકીય રેલીમાં બોલતા, ટ્રમ્પે યુદ્ધના સમયે અમેરિકાએ આર્થિક રીતે આપેલા બલિદાન પર ચર્ચા કરી હતી. તેમણે કહ્યું કે તે એક મોટી જીત જોવા માંગે છે, કારણ કે તેનાથી આપણા દ્વારા કરાયેલા તમામ કાર્યોની પુષ્ટિ થાય છે.
ચૂંટણીમાં ટ્રમ્પના કડક તેવર
ટ્રમ્પે નેબ્રાસ્કાના ગ્રાન્ડ આઇલેન્ડમાં ભીડને કહ્યું, 'અને ફરીથી યાદ રાખો, યુદ્ધના કારણે જે પણ થયું તે કૃત્રિમ છે, કિંમતો થોડી વધારે છે, પરંતુ આ એક નાની કિંમત છે. એવું લાગે છે કે તેઓ યુદ્ધના કારણે ઉર્જા બજારમાં આવેલા અવરોધોને લીધે બળતણ, ખાતર અને અન્ય પ્રોડક્ટ્સની વધતી કિંમતોનો ઉલ્લેખ કરી રહ્યા હતા. દુનિયાને સુરક્ષિત રાખવા અને આપણા દેશને સુરક્ષિત રાખવા માટે આ એક ખૂબ નાની કિંમત છે. તેઓ કોઈ શહેરને નષ્ટ કરી શકે છે. તેમને લોસ એન્જિલસ કે સેન ડિએગોને નષ્ટ કરવા દો. આ એક ખૂબ નાની કિંમત છે, અને તે ખૂબ જલ્દી ખતમ થઈ જશે.' ટ્રમ્પે આગળ કહ્યું, આ વાસ્તવમાં લગભગ પૂરું થઈ ગયું છે, પરંતુ તે ખૂબ જલ્દી સમાપ્ત થઈ જશે, અને કોઈને કોઈ રીતે પૂરું થશે જ.