ટ્રમ્પને ટક્કર આપવા 27 દેશોએ કમર કસી, અમેરિકન વસ્તુઓ પર 25 ટકા ટેરિફ લાદશે

અમેરિકન પ્રમુખ ડોનાલ્ડ ટ્રમ્પે (DONALD TRUMP) જે રીતે ટેરિફ વોર શરૂ કર્યો છે, તેનાથી સમગ્ર વિશ્વમાં ખળભળાટ મચી ગયો છે. પરંતુ વિશ્વમાં કેટલાક દેશો એવા પણ છે જેણે ટ્રમ્પને ટ્રમ્પની સ્ટાઈલમાં જ ટક્કર આપવાનો પ્લાન બનાવી દીધો છે. ચીને અમેરિકાને આ મામલે પહેલા જ અરીસો દેખાડી દીધો છે. અને હવે બીજી તરફ 27 દેશોના ગ્રુપ એટલે કે યુરોપીય આયોગે પણ ટ્રમ્પને ટક્કર આપવા માટે કમર કસી લીધી છે. એક સમાચાર એજન્સીએ જણાવ્યું કે, EUએ સોમવારે કેટલીક અમેરિકન વસ્તુઓ પર 25% ટેરિફ લગાવવાનો પ્રસ્તાવ આપ્યો છે. એજન્સીએ દસ્તાવેજોનો હવાલો આપતા કહ્યું કે, કેટલીક વસ્તુઓ પર ટેરિફ 16 મેથી અમલમાં આવશે.

આ પણ વાંચો :

ટેરિફ વોર/ ટ્રમ્પના એક્શન સામે ચીનનું રિએક્શન, વિવિધ અમેરિકી વસ્તુ પર લગાવ્યો 15 ટકા સુધી ટેરીફ

ડોનાલ્ડ ટ્રમ્પના શપથ ગ્રહણ બાદ અમદાવાદના જ્યોતિષે કરેલી આગાહી થઈ રહી છે સાચી સાબિત

 આ યાદીમાંથી કેટલીક વસ્તુઓ હટાવી દીધી

આ પણ વાંચો :

મોદી- ટ્રમ્પની મિત્રતા મોંઘી પડી, શેરબજાર ધડામ છતાં ભારત અમેરિકા પર સામો ટેરિફ લાદશે નહીં

ટ્રમ્પના ટેરિફ વોરથી ભારતીય અર્થતંત્રને પડશે ફટકો, સંકટમાં મુકાઈ શકે છે આ ઉદ્યોગો

જોકે, કેટલીક અન્ય વસ્તુઓ પર પણ આ વર્ષથી ટેરિફ લાગુ થઈ જશે. તેમાં હીરા, ઈંડા, ડેન્ટલ ફ્લોસ, પોલ્ટ્રી સહિત અનેક વસ્તુઓ સામેલ છે. સભ્ય દેશો દ્વારા વાંધો ઉઠાવવામાં આવ્યા બાદ આ યાદીમાંથી કેટલીક વસ્તુઓ હટાવી દીધી હોવાના અહેવાલો પણ સામે આવી રહ્યા છે. બદામ અને સોયાબીન પર ટેરિફ ડિસેમ્બરથી શરૂ થશે. EUના વેપાર પ્રમુખ મારોસ સેફકોવિકે સોમવારે કહ્યું કે, જવાબી ટેરિફની અસર અગાઉ જાહેર કરાયેલા 26 બિલિયન યુરો (28.45 બિલિયન ડોલર) કરતા ઓછી હશે. માર્ચમાં તૈયાર કરાયેલી યાદીમાંથી બોરબન, વાઈન અને ડેરી ઉત્પાદનોને હટાવી દેવામાં આવ્યા છે.

ટેરિફ લાદવાની યોજના બનાવી હતી

કમિશને અગાઉ બોરબન પર 50% ટેરિફ લાદવાની યોજના બનાવી હતી, ત્યારબાદ ટ્રમ્પે EUના શરાબ પર 200% ટેરિફ લાદવાની ધમકી આપી હતી. ફ્રાન્સ અને ઈટાલી ખાસ કરીને આ ખતરાથી ચિંતિત હતા કારણ કે તેમનો વાઈન ઉદ્યોગ ખૂબ મોટો છે. આ ઉપરાંત EUએ 1 એપ્રિલથી સ્ટીલ પરના હાલના સલામતી નિયમો કડક કર્યા, જેનાથી આયાતમાં 15% ઘટાડો થયો. કમિશન હવે એલ્યુમિનિયમ માટે આયાત ક્વોટા પર પણ વિચાર કરી રહ્યું છે. EU સભ્ય દેશો 9 એપ્રિલે આ પ્રસ્તાવ પર મતદાન કરશે.

વેપાર યુદ્ધ શરૂ?

આ પગલું ટ્રમ્પના સ્ટીલ અને એલ્યુમિનિયમ ટેરિફ સામે EUની વ્યૂહરચનાનો એક ભાગ છે. લોકો આને વેપાર યુદ્ધનો નવો અધ્યાય માની રહ્યા છે. સોશિયલ મીડિયા પર કેટલાક લોકો કહી રહ્યા છે કે, 'અમેરિકાએ શરૂઆત કરી, હવે યુરોપ તેનો જવાબ આપી રહ્યું છે,' જ્યારે કેટલાક લોકો મજાકમાં બોલી રહ્યા છે કે, 'ડેન્ટલ ફ્લોસ પણ ન છોડ્યો!' આગળ શું થાય છે તે જોવાનું બાકી છે, પરંતુ હાલમાં તો બંને બાજુથી ટેરિફ યુદ્ધ વધુ તીવ્ર બન્યું છે.