America/ F-35 ફાઈટર જેટ કેલિફોર્નિયામાં ક્રેશ: પાઇલટે સમયસર કૂદી જીવ બચાવ્યો
છેલ્લું અપડેટ : 31 Jul 2025
સોર્સ : twitter
અમેરિકાના ફ્રેસ્નો કાઉન્ટીમાં આવેલા નેવલ એર સ્ટેશન લેમૂર (NAS Lemoore) નજીક એક F-35 ફાઇટર જેટ ક્રેશ થયું હતું. આ ઘટનામાં વિમાન આગનો ગોળો બની ગયું, પરંતુ પાઇલટે સમયસર પેરાશૂટનો ઉપયોગ કરીને પોતાનો જીવ બચાવ્યો હતો.
અમેરિકન નેવીના આ અત્યાધુનિક સ્ટેલ્થ ફાઇટર જેટનું ક્રેશ થવું એ એક મોટી ઘટના માનવામાં આવે છે, કારણ કે F-35 એ વિશ્વના સૌથી અદ્યતન અને મોંઘા યુદ્ધ વિમાનોમાંનું એક છે. આ અકસ્માત બુધવારે 4.30 વાગ્યાની આસપાસ થયો હતો. એક નિવેદનમાં, નૌકાદળે જણાવ્યું હતું કે અકસ્માત સમયે, પાઇલટે સમયસર પેરાશૂટ દ્વારા બહાર નીકળીને પોતાનો જીવ બચાવ્યો હતો. તે સુરક્ષિત છે. આ ઘટનામાં કોઈને ઈજા થઈ નથી. અકસ્માતનું કારણ હજુ સુધી જાણી શકાયું નથી.
નૌકાદળે એક નિવેદનમાં જણાવ્યું હતું કે આ વિમાન ફાઇટર સ્ક્વોડ્રન VF‑125 રફ રાઇડર્સનો ભાગ હતું. આ યુનિટ ફ્લીટ રિપ્લેસમેન્ટ સ્ક્વોડ્રન તરીકે કામ કરે છે, જેનું મુખ્ય કાર્ય પાઇલટ્સ અને એરક્રૂને તાલીમ આપવાનું છે.
સોશિયલ મીડિયા પર વાયરલ થયેલા આ અકસ્માતના વીડિયોમાં ધુમાડાના વાદળો ઉંચા થતા જોઈ શકાય છે. હજુ સુધી સ્પષ્ટ થયું નથી કે આ અકસ્માતની નેવલ બેઝ ઓપરેશન પર શું અસર પડી.
