VIDEO: અમેરિકાએ 86 જહાજોના રૂટ બદલ્યા, હૂતીઓનો મિસાઇલ હુમલો; હોમુર્ઝથી યમન સુધી વધ્યો તણાવ
છેલ્લું અપડેટ : 03 Sept 2026
પશ્ચિમ એશિયામાં (West Asia) તણાવ સતત વધી રહ્યો છે. એક તરફ હોમુર્ઝ સ્ટ્રેટ (Strait of Hormuz)માં અમેરિકાની નાકાબંધી (Blockade) અને સૈન્ય કાર્યવાહી ચાલુ છે, તો બીજી તરફ યમનમાં ઈરાન સમર્થિત હૂતી બળવાખોરોએ (Houthi Rebels) 10 બેલિસ્ટિક મિસાઇલો (Ballistic Missiles) છોડતાં સ્થિતિ વધુ ગંભીર બની છે.
અમેરિકન સેન્ટ્રલ કમાન્ડ (CENTCOM) દ્વારા આપવામાં આવેલી માહિતી અનુસાર, અમેરિકન નૌસેનાએ 2 સપ્ટેમ્બર સુધીમાં હોમુર્ઝ સ્ટ્રેટમાં નિયમોનું પાલન સુનિશ્ચિત કરવા માટે 86 કોમર્શિયલ જહાજો (Commercial Ships)ના રૂટ બદલાવ્યા છે. આ ઉપરાંત ત્રણ જહાજોને નિષ્ક્રિય (Disabled) કરવામાં આવ્યા હોવાનું પણ જણાવાયું છે. અમેરિકન સેનાએ બે જહાજો પર સવાર થઈને તપાસ (Boarding and Inspection) પણ કરી હોવાનું સામે આવ્યું છે.
યમનમાં હૂતીઓનો મિસાઇલ હુમલો
અમેરિકાની કાર્યવાહી વચ્ચે યમનમાં ઈરાન સમર્થિત હૂતી વિદ્રોહીઓએ પણ મિસાઇલ હુમલા કર્યા છે. યમનની સરકારી સેનાના સૂત્રોના જણાવ્યા અનુસાર, હૂતીઓએ પશ્ચિમ યમન તરફ 10 બેલિસ્ટિક મિસાઇલો લોન્ચ કરી હતી.
આ મિસાઇલો તાઇઝ પ્રાંતના મોખા શહેર (Mokha) અને હોદેઇદાહ પ્રાંતના અલ-ખોખા વિસ્તાર (Al-Khokha)ને નિશાન બનાવીને છોડવામાં આવી હોવાનું જણાવાયું છે. સ્થાનિક સૂત્રોના જણાવ્યા પ્રમાણે, મોટાભાગની મિસાઇલો મોખા તરફ છોડવામાં આવી હતી.
મોખા શહેરમાં છેલ્લા કેટલાક અઠવાડિયાથી હૂતી બળવાખોરો દ્વારા ડ્રોન હુમલા (Drone Attacks) પણ કરવામાં આવી રહ્યા છે. આ ઉપરાંત યમનમાં હૂતી સંગઠન અને સરકારી દળો વચ્ચે જમીની લડાઈ (Ground Fighting) પણ વધુ તીવ્ર બની રહી છે.
જમીની હુમલામાં પણ વધારો
મિસાઇલ હુમલા ઉપરાંત હૂતી લડાકુઓએ તાઇઝમાં અલ-કદહા-અલ-બરાહ વિસ્તાર તરફ જમીની હુમલો કરવાનો પ્રયાસ કર્યો હોવાનું યમની સૂત્રોએ જણાવ્યું છે. સરકારી દળોએ આ હુમલાનો સામનો કર્યો અને હૂતી લડાકુઓને પાછળ હટવાની ફરજ પડી હોવાનું કહેવાય છે.
હોમુર્ઝ સ્ટ્રેટમાં અમેરિકાની કાર્યવાહીથી ચિંતા
હોમુર્ઝ સ્ટ્રેટ વિશ્વના સૌથી મહત્વપૂર્ણ સમુદ્રી વેપાર માર્ગોમાં (Global Shipping Routes)નું એક છે. અહીં અમેરિકાની સૈન્ય કાર્યવાહી અને કોમર્શિયલ જહાજોની અવરજવર પર નિયંત્રણને કારણે આંતરરાષ્ટ્રીય શિપિંગ (International Shipping)ને લઈને ચિંતા વધી રહી છે.
CENTCOM અનુસાર 86 જહાજોના રૂટ બદલવા અને અન્ય જહાજોની તપાસની કાર્યવાહી અમેરિકાની નાકાબંધીના અમલનો ભાગ છે. બીજી તરફ યમનમાં હૂતી સંગઠન દ્વારા કરવામાં આવેલા તાજા મિસાઇલ અને જમીની હુમલાઓએ વિસ્તારમાં વધુ અસ્થિરતા ઊભી કરી છે.
હોમુર્ઝ સ્ટ્રેટથી લઈને યમન સુધી એકસાથે વધી રહેલી સૈન્ય ગતિવિધિઓને કારણે પશ્ચિમ એશિયામાં તણાવ (Regional Tension) વધુ ઘેરો બન્યો છે. આગામી દિવસોમાં અમેરિકા, ઈરાન અને હૂતી સંગઠનની કાર્યવાહી આ સંઘર્ષને કઈ દિશામાં લઈ જાય છે તેના પર સમગ્ર વિશ્વની નજર રહેશે.
