VIDEO: કાશીના દ્વારે મુખ્યમંત્રી યોગી, વિશ્વનાથ અને કાલભૈરવ મંદિરમાં કરી ભાવપૂર્વક પૂજા-અર્ચના
છેલ્લું અપડેટ : 06 May 2026
VIDEO: ઉત્તરપ્રદેશના મુખ્યમંત્રી યોગી આદિત્યનાથે વારાણસીની મુલાકાત દરમિયાન કાશી વિશ્વનાથ અને કાલભૈરવ મંદિરમાં ભાવપૂર્વક પૂજા-અર્ચના કરી હતી. આ ધાર્મિક વિધિ દરમિયાન તેમણે ઓમ, કેશવ, માધવ અને ગોવિંદ જેવા પવિત્ર નામોના જાપ સાથે દેવી-દેવતાઓના આશીર્વાદ મેળવ્યા હતા.
મુખ્યમંત્રીએ શ્રીગણપતિ અને મહાગૌરીની આરાધના કરી રાજ્યમાં શાંતિ, સમૃદ્ધિ અને પવિત્રતા જળવાઈ રહે તેવી મંગલ કામના કરી હતી. આ મુલાકાત શ્રદ્ધા અને ભક્તિના સંગમ સમાન રહી હતી, જેમાં આધ્યાત્મિક વાતાવરણની અનુભૂતિ જોવા મળી હતી.
વારાણસીમાં સીએમ યોગીની ભક્તિ જોવા મળી હતી.. સીએમ યોગીએ કાશી વિશ્વનાથ અને કાલ ભૈરવના દ્વારે શિશ ઝુકાવ્યું અને મંત્રોચ્ચાર સાથે લોકકલ્યાણ માટે પ્રાર્થના કરી હતી.
કાશીની પવિત્ર ધરતી પર મુખ્યમંત્રીએ ગંગા જળથી આચમન કરી શિવ ઉપાસના કરી હતી. તેમણે બ્રહ્મા, વિષ્ણુ અને મહેશના આશીર્વાદ મેળવી લોકકલ્યાણ માટે પ્રાર્થના કરી હતી. આ અવસરે ભક્તોમાં ભારે ઉત્સાહ જોવા મળ્યો હતો અને સમગ્ર મંદિર પરિસર 'હર હર મહાદેવ'ના નાદથી ગુંજી ઉઠ્યું હતું. ધાર્મિક અનુષ્ઠાનો અને પવિત્ર મંત્રોચ્ચાર સાથેની આ મુલાકાતે વારાણસીના આધ્યાત્મિક મહત્વને વધુ વેગ આપ્યો છે.
