VIDEO: નાસિકમાં ભોંદુ બાબાનો પર્દાફાશ! આધ્યાત્મિકતાના નામે મહિલાનું શોષણ, અશોક ખરાત 1 એપ્રિલ સુધી પોલીસ કસ્ટડીમાં
છેલ્લું અપડેટ : 29 Mar 2026
સોર્સ : GSTV
VIDEO: નાસિકમાં ભોંદુ બાબાનો પર્દાફાશ થયો છે.. મહિલાના શોષણના કેસમાં અશોક ખરાતને પહેલી એપ્રિલ સુધી પોલીસ કસ્ટડીમાં મોકલવામાં આવ્યો છે.. આધ્યાત્મિકતાના નામે આચરવામાં આવેલા આ કાળા કરતૂતથી સમગ્ર પંથકમાં ચકચાર મચી છે.
મહારાષ્ટ્રના નાસિકમાં આધ્યાત્મિક માર્ગદર્શનના બહાને 35 વર્ષીય મહિલા પર સતત જાતીય શોષણ કરવાના આરોપમાં ભોંદુ બાબા ઉર્ફે અશોક ખરાતને કડક સુરક્ષા વચ્ચે કોર્ટમાં રજૂ કરવામાં આવ્યો હતો. નાસિક કોર્ટે આ મામલે ગંભીર નોંધ લઈ આરોપી બાબાના 1 એપ્રિલ સુધીના ત્રણ દિવસના પોલીસ રિમાન્ડ મંજૂર કર્યા છે.
નાસિક કોર્ટ પરિસરમાં પોલીસે ભીડને કાબૂમાં લેવા માટે ભારે જહેમત ઉઠાવવી પડી હતી. પીડિતાએ ન્યાયની માંગ કરી છે, જ્યારે તપાસમાં અન્ય ખુલાસા થવાની શક્યતા છે.
