VIDEO:ANDARNI VAAT/પ્રથમ સિંધુ કુંભના શ્રદ્ધાળુઓએ કર્યા શિવજીના દર્શન!
છેલ્લું અપડેટ : 20 Jun 2026
જમ્મુ-કાશ્મીરના બરફ આચ્છાદિત અને રમણીય પર્યટન સ્થળ ગુલમર્ગ ખાતે સિંધુ દર્શન યાત્રા સમિતિના શ્રદ્ધાળુઓ દ્વારા પ્રથમ સિંધુ કુંભ પદયાત્રાના પવિત્ર ભાગરૂપે ઐતિહાસિક શિવ મંદિરની ભક્તિભાવપૂર્વક મુલાકાત લેવામાં આવી હતી.. કાશ્મીરના આ પવિત્ર ધાર્મિક મહોત્સવમાં દેશના ખૂણે-ખૂણેથી આવેલા સેંકડો ભક્તો અને સાધુ-સંતોએ ભાગ લીધો હતો, જેના કારણે સમગ્ર ગુલમર્ગ ઘાટી ભક્તિમય અને દિવ્ય માહોલમાં રંગાઈ હતી.. ગુલમર્ગની પહાડીઓ વચ્ચે સ્થિત આ પ્રાચીન શિવ મંદિરમાં શ્રદ્ધાળુઓએ વિશેષ પૂજા-અર્ચના, જલાભિષેક અને આરતી કરીને દેશમાં શાંતિ, સમૃદ્ધિ અને અખંડિતતા જાળવી રાખવા માટે પ્રાર્થના કરી હતી. બરફની ચાદર વચ્ચે ગુંજી ઉઠેલા હર હર મહાદેવ અને જય સિંધુ નદીના પવિત્ર જયઘોષથી સ્થાનિક વાતાવરણ અત્યંત મનોહર અને અલૌકિક ભાસ્યું હતું..
આ પવિત્ર યાત્રા ભારતીય સંસ્કૃતિની એકતા અને ભૌગોલિક ધરોહરને મજબૂત કરવાનું એક બહુ મોટું માધ્યમ બની રહી છે. પ્રવાસીઓ અને તીર્થયાત્રીઓએ વહીવટી તંત્ર દ્વારા કરવામાં આવેલી સુવિધાઓ, ચુસ્ત સુરક્ષા વ્યવસ્થા અને સ્થાનિક નાગરિકોના ઉષ્માભર્યા આતિથ્ય સત્કારની ભારે પ્રશંસા કરી હતી.. પ્રાકૃતિક સુંદરતાની સાથે ધાર્મિક પર્યટનનો આ અનોખો સમન્વય કાશ્મીરના પ્રવાસન ઉદ્યોગને એક નવી અને વૈશ્વિક ઉર્જા પૂરી પાડી રહ્યો છે. પ્રથમ સિંધુ કુંભના સફળ આયોજનથી ખીણ પ્રદેશમાં સનાતન ધર્મની પ્રાચીન પરંપરાઓ પુનર્જીવિત થઈ રહી છે, જે આગામી સમયમાં સમગ્ર દેશમાંથી આવતા શ્રદ્ધાળુઓ માટે આસ્થા, આધ્યાત્મિકતા અને રાષ્ટ્રીય એકતાનું એક મોટું પ્રતીક સાબિત થશે.
બ્યૂરો રિપોર્ટ જીએસટીવી
