VIDEO: VIRAL/ "આ અત્યંત દુર્લભ છે..." મહિલાએ એકસાથે 4 એકસરખી દેખાતી બાળકીઓને આપ્યો જન્મ, ડૉક્ટરો પણ રહી ગયા દંગ!
છેલ્લું અપડેટ : 22 Jul 2026
ઓસ્ટ્રેલિયાની એક મહિલા હાલ ચર્ચામાં છે. આ મહિલાએ એકસરખી દેખાતી 4 બાળકીઓને જન્મ આપ્યો છે, જેને જોઈને ડૉક્ટરો પણ હેરાન રહી ગયા છે. ડૉક્ટરોએ આ પ્રેગ્નન્સીને અત્યંત દુર્લભ ગણાવી છે.
માતા બનેલી મહિલાની ઉંમર 34 વર્ષ છે અને તેનું નામ જેનિટોર સાઉ નાઆમોઆના છે. આ મહિલાએ વીતેલા અઠવાડિયે આ બાળકીઓને જન્મ આપ્યો હતો, જ્યારે તેને પહેલાથી જ 4 બાળકો છે. એટલે કે હવે તે કુલ 8 બાળકોની માતા બની ગઈ છે.
બાળકોને ક્યારે જન્મ આપ્યો?
મહિલાએ ક્વીન્સલેન્ડ પ્રાંતની 'રોયલ બ્રિસ્બેન એન્ડ વિમેન્સ હોસ્પિટલ'માં 4 બાળકીઓને જન્મ આપ્યો હતો. મહિલાના ડૉક્ટર એલેક્સા બેન્ડાલે હોસ્પિટલ દ્વારા જાહેર કરાયેલા એક ઈન્ટરવ્યુમાં જણાવ્યું કે બાળકીઓ કુદરતી રીતે જ ગર્ભમાં આવી હતી અને એક જ ફળદ્રુપ ઈંડું (fertilized egg) ચાર ભાગમાં વહેંચાઈ જવાને કારણે તેમનો જન્મ થયો છે. તેમણે આ ઘટનાને અકલ્પનીય ગણાવી હતી.
ડૉક્ટર બેન્ડાલે કહ્યું, "અમારું માનવું છે કે આ પ્રકારનો કિસ્સો લગભગ દોઢ કરોડમાંથી એક આવે છે. અમને નથી લાગતું કે ઓસ્ટ્રેલિયામાં પહેલાં ક્યારેય આવું બન્યું હોય."
બાળકોને જન્મ આપવાનો પ્લાન નહોતો!
હોસ્પિટલના અધિકારીઓએ જણાવ્યું કે નાઓમોઆના અને તેના પતિ જોર્થમ પહેલાથી જ 4 બાળકોના માતા-પિતા હતા, તેથી તેમની વધુ બાળકો પેદા કરવાની યોજના નહોતી. પરંતુ જ્યારે તે એક સાથે 4 બાળકોની માતા બનવાની હતી, ત્યારે તેમને ખૂબ જ આશ્ચર્ય થયું હતું.
જોકે નાઆમોઆના માટે એક સાથે ચાર બાળકોને જન્મ આપવો આસાન નહોતો પરંતુ આ એક જોખમી પ્રેગ્નન્સી હતી કારણ કે ગર્ભ એક જ પ્લેસેન્ટા (ગર્ભનાળ) શેર કરી રહ્યા હતા.
મેડિકલ સાયન્સનું માનવું છે કે જ્યારે માતા પ્રેગ્નન્ટ હોય ત્યારે એક કરતાં વધુ ગર્ભ હોવા પર માતાને સમય પહેલા ડિલિવરી, મિસકેરેજ (ગર્ભપાત) અને જન્મજાત ખામીઓ જેવી સમસ્યાઓનું જોખમ વધી જાય છે.
જે હોસ્પિટલમાં નાઆમોઆનાએ બાળકોને જન્મ આપ્યો, ત્યાં તે પ્રેગ્નન્સીના 25મા અઠવાડિયામાં જ એડમિટ થઈ ગઈ હતી, જેથી તેની દરેક નાની-મોટી ગતિવિધિ પર ડૉક્ટરો નજર રાખી શકે. આ પછી તેણે 14 જુલાઈએ સિઝેરિયન સેક્શન (ઓપરેશન) દ્વારા બાળકોને જન્મ આપ્યો.
ડૉક્ટર બેન્ડાલે કહ્યું, "આ વાત ખરેખર અદ્ભુત છે કે 28 અઠવાડિયા અને ચાર દિવસમાં ચાર સુંદર અને સ્વસ્થ બાળકોનો જન્મ થયો છે. ડિલિવરી સમયે માતાનું થોડું લોહી ચોક્કસપણે વહી ગયું હતું, પરંતુ ચાર બાળકોના જન્મના હિસાબે તે બહુ વધારે નહોતું, અને હવે તે બિલકુલ ઠીક છે."