VIDEO: VIRAL/ અડધી રાત્રે ઊંઘતા શ્વાન પર દીપડાએ કર્યો હુમલો, પછી જે થયું તે જોઈને તમે પણ ચોંકી જશો!
છેલ્લું અપડેટ : 22 Jul 2026
આજના સમયમાં એવા ખૂબ ઓછા લોકો મળે છે જેઓ એમ કહે કે તેમનું સોશિયલ મીડિયા પર અકાઉન્ટ નથી, બાકી બાળકો પણ સોશિયલ મીડિયા પર અકાઉન્ટ બનાવીને બેઠા છે અને પોતાના પપ્પા કે મમ્મીના ફોનથી તેને હેન્ડલ પણ કરે છે. તમે પણ સોશિયલ મીડિયા પર એક્ટિવ રહેતા જ હશો અને જો એવું છે તો તમે એ પણ જાણતા હશો કે દરરોજ જાત-જાતના વિડીયો પોસ્ટ થાય છે અને ઘણા બધા વિડીયો વાયરલ પણ થાય છે. અત્યારે પણ એક વિડીયો વાયરલ થઈ રહ્યો છે. ચાલો ત્યારે તમને જણાવીએ કે તે વિડીયોમાં શું દેખાયું અને લોકોએ તે જોયા પછી શું કોમેન્ટ કરી.
વાયરલ વિડીયોમાં શું નજરે પડ્યું?
અત્યારે જે વિડીયો વાયરલ થઈ રહ્યો છે તે કેમેરામાં કેદ થયેલી ક્ષણ છે. વિડીયોમાં નજરે પડે છે કે રાતનો સમય છે અને રસ્તો સંપૂર્ણપણે ખાલી છે. તે ખાલી રસ્તા પર એક શ્વાન ઊંઘી રહ્યો છે. આ દરમિયાન એક દીપડો઼ ધીમા પગલે તે શ્વાન તરફ આગળ વધે છે અને દીપડો જેવો જ તે શ્વાન પર હુમલો કરે છે, શ્વાન જાગી જાય છે અને થોડો પાછળ હટી જાય છે. આ પછી શ્વાન ત્યાંથી ભાગી જાય છે અને દીપડો પણ તેના પર ફરીથી હુમલો નથી કરતો અથવા તેનો પીછો નથી કરતો. તે દીપડો પછી આગળ તરફ વધી જાય છે. વિડીયોમાં એક ખૂણામાં તારીખ નજરે પડે છે જે 19 જુલાઈ છે અને જ્યારે દીપડાએ હુમલો કર્યો ત્યારે સમય 2 વાગ્યાને 24 મિનિટનો હતો.
લોકોએ શું કોમેન્ટ્સ કરી?
તમે હમણાં જે વિડીયો જોયો તેને 'X' (ટ્વિટર) પ્લેટફોર્મ પર @gharkekalesh નામના અકાઉન્ટ પરથી પોસ્ટ કરવામાં આવ્યો છે અને કેપ્શનમાં લખ્યું છે, 'બેંગલુરુમાં રસ્તા પર શ્વાન પર હુમલો કરતો દીપડો જોવા મળ્યો.' સમાચાર લખાયા ત્યાં સુધીમાં આ વિડીયોને હજારો લોકો જોઈ ચૂક્યા છે અને ઘણા લોકોએ વિડીયો જોયા પછી કોમેન્ટ પણ કરી છે.
