VIDEO: VIRAL / પહાડી રસ્તે કાબૂ ગુમાવતાં બાઇકર ખાઈમાં પડતાં-પડતાં બચ્યો, જુઓ વીડિયો
છેલ્લું અપડેટ : 21 Jul 2026
પહાડોની સુંદર વાદીઓમાં વરસાદ વચ્ચે બાઇક ચલાવવી એ દરેક રાઇડરનું સપનું હોય છે. પરંતુ જરાક પણ બેદરકારી અને ઝડપી સ્પીડ આ હસીન સપનાને પળવારમાં ભયાનક સ્વપ્નમાં બદલી શકે છે. આવો જ એક રૂવાડાં ઊભાં કરી દે તેવો વીડિયો પશ્ચિમ બંગાળની વાદીઓમાં જોવા મળ્યો, જ્યાં એક બાઇકર સીધો ખાઈમાં પડતાં- પડતાં બચ્યો. આ ઘટનાનો વીડિયો સોશિયલ મીડિયા પર વાયરલ થઈ રહ્યો છે, અને તેને જોઈને લોકોની આંખો ફાટીને પહોળી થઈ ગઈ છે.
આ ઘટના સિલીગુડી અને દાર્જિલિંગ વચ્ચે આવેલા સુંદર હિલ સ્ટેશન કુરસિયાંગ વ્યુ પોઇન્ટ પાસેની છે. વાદળી રંગનો રેનકોટ પહેરેલો એક યુવક વરસાદથી ભીંજાયેલા અને લપસણા રસ્તા પર ખૂબ જ ઝડપે બાઇક દોડાવી રહ્યો હતો. પહાડના તીવ્ર વળાંક પર જેવો તેણે બાઇક વાળવાનો પ્રયાસ કર્યો, કે તરત જ બાઇક પરથી તેનો કાબૂ સંપૂર્ણપણે છૂટી ગયો.
બેલેન્સ ગુમાવતા જ બાઇક રસ્તા કિનારે આવેલી ખડક સાથે અથડાઈ. બીજી તરફ સેંકડો ફૂટ ઊંડી ખાઈ હતી. ટક્કર એટલી ભયાનક હતી કે રાઇડરના બૂટ પણ હવામાં ઊડીને દૂર જઈ પડ્યા. સદનસીબે તે રસ્તા પર જ પડ્યો અને ખાઈમાં પડતાં બચી ગયો, જોકે તેની બાઇક અસંતુલિત થઈને ઢાળ પરથી નીચે ખાબકી ગઈ.
