VIDEO: ઝેરી સાંપો વચ્ચે ગંગા સાફ કરતા યુવકનો વીડિયો વાયરલ, લોકોએ કહ્યું- 'દેશની અસલી તાકાત'
છેલ્લું અપડેટ : 15 Sept 2026
મધ્ય પ્રદેશમાં અજનાર નદી સાફ કરનારા બિટ્ટુ તબાહીની જેમ ઉત્તર પ્રદેશના પ્રયાગરાજના 21 વર્ષીય શિવમ કુમારની કહાની પણ આજકાલ ચર્ચામાં છે. શિવમ ગંગા નદીની સફાઈને પોતાનું મિશન બનાવી ચૂક્યા છે. તેઓ એકલા કલાકો સુધી નદીમાં ઊતરીને કચરો કાઢે છે. તેમના વીડિયો સોશિયલ મીડિયા પર વાયરલ થઈ રહ્યા છે, જેમાં તે તૂટેલા કાચ અને ઝેરી સાંપો વચ્ચે કામ કરતા દેખાઈ રહ્યા છે.
માત્ર રબરના ગ્લોવ્ઝ પહેરીને અને પગમાં ચપ્પલ પહેરીને તે આ કામ કરે છે. વીડિયોમાં દેખાય છે કે કેવી રીતે તે કાચના ટુકડાઓથી ભરેલા વિસ્તારોમાંથી પસાર થાય છે. એક ક્લિપમાં ઝેરી પાણીના સાંપ તેમની પાસે તરતા જોવા મળે છે. આમ છતાં તે હિંમત નથી હારતો અને સફાઈ ચાલુ રાખે છે. તેમણે જણાવ્યું કે આ તેમના માટે રોજની લડાઈ છે. પ્રદૂષણ નદીના જીવો માટે પણ જોખમરૂપ છે.
આર્થિક સમસ્યા પણ પડકાર
શિવમ માત્ર સફાઈ જ નથી કરતા પરંતુ કામની શોધ પણ કરે છે. એક વીડિયોમાં તે દુકાને-દુકાને ફરીને રોજગાર માંગતા દેખાય છે. તેમનું કહેવું છે કે સફાઈ ચાલુ રાખવા માટે આવકનો સ્ત્રોત જરૂરી છે. તે આને પોતાનો જુનૂન ગણાવે છે અને કહે છે કે ગંગા મૈયાની સેવા કરવી એ તેમની ફરજ છે.
યુઝર્સે આપી પ્રતિક્રિયાઓ
સોશિયલ મીડિયા પર તેમના વીડિયોના વખાણ થઈ રહ્યા છે. લોકો તેમના સાહસ અને સમર્પણની પ્રશંસા કરી રહ્યા છે. ઘણા યુઝર્સે લખ્યું કે આવા યુવાનો દેશની અસલી તાકાત છે. કેટલાક લોકોએ મદદની ઓફર પણ કરી. એક યુઝરે કહ્યું, “આપણે સ્વચ્છ ભારત અભિયાનને પુનર્જીવિત કરવાની જરૂર છે. રસ્તાના ખાડાઓ અને બાકી બધી બાબતોને ભૂલી જાઓ. આપણા મનની અંદર અને બહાર બંને જગ્યાની સમસ્યાઓને દૂર કરવાની જરૂર છે. જે સમસ્યાઓ પહેલાથી અસ્તિત્વમાં છે, તેમને સાફ કરવી એ જ એક મોટું પગલું હશે.”
બીજી એક વ્યક્તિએ લખ્યું, "Gen-Z સ્વચ્છ, સ્વસ્થ અને વધુ ટકાઉ (સ્ટેબલ) પર્યાવરણમાં યોગદાન આપવા માટે આગળ આવી રહી છે."
એક વ્યક્તિએ લખ્યું, “હે શિવમ, હું તમારા પગે પડવા માંગું છું અને મારા આંસુઓથી તમારા પગ ધોવા માંગું છું. પહાડ પર ચઢવા માટે ખરેખર ખૂબ જ હિંમત જોઈએ.”
નોંધનીય છે કે, આ પહેલા એમપીની અજનાર નદી સાફ કરનારા બિટ્ટુ તબાહી સાથે સીએમ મોહન યાદવે મુલાકાત કરી હતી. આ કામ માટે સીએમે બિટ્ટુના ખૂબ વખાણ પણ કર્યા હતા.