VIDEO: VIRAL/ ભગવાનની ભક્તિમાં લીન પૂજારીના આરતી કરતાં કરતાં જ શ્વાસ થંભી ગયા!
છેલ્લું અપડેટ : 15 Jul 2026
ઝારખંડની રાજધાની રાંચીના રાતુ રોડ પર આવેલી ઇન્દ્રપુરી રોડ નંબર-૯ માં સ્થિત એક મંદિરમાં પૂજારી સંધ્યા આરતી કરી રહ્યા હતા. આ દરમિયાન આચાર્ય રજનીકાંત મિશ્રાને અચાનક દિલનો દૌરો (હાર્ટ એટેક) આવ્યો હતો. હાર્ટ એટેક આવતાની સાથે જ પૂજારી છાતી પકડીને જમીન પર ઢળી પડ્યા અને તેમનું ઘટનાસ્થળે જ અવસાન થયું. ભગવાનની ભક્તિમાં લીન પૂજારીએ ભક્તોની સામે જ પૂજા સ્થળ પર દમ તોડી દીધો.
આરતી કરતાં કરતાં અચાનક જમીન પર ઢળી પડ્યા
પ્રત્યક્ષદર્શીઓ અને મંદિરમાં હાજર શ્રદ્ધાળુઓ પાસેથી મળેલી માહિતી મુજબ, સોમવારે સાંજે આચાર્ય રજનીકાંત મિશ્રા દરરોજની જેમ ભગવાનની સંધ્યા આરતી કરી રહ્યા હતા. મંદિર ભજનો અને શંખનાદથી ગુંજી રહ્યું હતું. શ્રદ્ધાળુઓ શ્રદ્ધાભાવ પૂર્વક આરતીમાં સામેલ હતા. આ દરમિયાન અચાનક આચાર્ય મિશ્રાની તબિયત બગડી, તેઓ અસ્વસ્થ થયા અને પલક ઝપકતા જ પૂજા સ્થળ પર બેભાન થઈને પડી ગયા. પૂજારીને અચાનક પડતા જોઈને મંદિરમાં અફરાતફરીનો માહોલ સર્જાયો હતો. આરતીમાં સામેલ શ્રદ્ધાળુઓ તરત જ તેમની મદદ માટે આગળ આવ્યા હતા.
હોસ્પિટલ લઈ જતાં પહેલાં જ શ્વાસ થંભી ગયા
ઘટના સમયે મંદિરમાં વરિષ્ઠ ભાજપ નેતા રમેશ સિંહ અને મોટી સંખ્યામાં સ્થાનિક લોકો હાજર હતા. તેમણે સમય બગાડ્યા વિના સ્થિતિની ગંભીરતાને સમજી અને તરત જ આચાર્ય મિશ્રાને નજીકની હોસ્પિટલમાં લઈ જવાનો પ્રયાસ કર્યો. જો કે, કુદરતને કંઈક બીજું જ મંજૂર હતું. હોસ્પિટલ પહોંચતા જ તબીબોએ આરોગ્ય તપાસ બાદ તેમને મૃત જાહેર કર્યા હતા.
ડોક્ટરોના જણાવ્યા અનુસાર, રાંચીની હોસ્પિટલમાં લાવવામાં આવે તે પહેલાં જ તેમનું અવસાન થઈ ચૂક્યું હતું. સ્થાનિક લોકોનું કહેવું છે કે આચાર્ય રજનીકાંત મિશ્રા એક ખૂબ જ સરળ, સૌમ્ય અને ધાર્મિક પ્રવૃત્તિના વ્યક્તિ હતા. ઈશ્વરની આરાધના કરતાં કરતાં તેમનું આ રીતે ચાલ્યા જવું સૌ કોઈ માટે ઊંડા આઘાત સમાન છે.
