પ્રપોઝ ડે પર એક સરકારી અધિકારીએ ધોરણ 11ની વિદ્યાર્થીને કહ્યું - I Love You અને...
છેલ્લું અપડેટ : 12 Feb 2025
વેલેન્ટાઇન વીક પર છોકરીને પ્રપોઝ કરવું એક સરકારી અધિકારી માટે મોંઘુ પડ્યું. આ મામલો ઉત્તર પ્રદેશના અમરોહાનો છે. અહીં CHOએ પ્રપોઝ ડે પર એક છોકરીને "આઈ લવ યુ" કહ્યું. પરંતુ જ્યારે છોકરીએ તેના પ્રપોઝને નકારી કાઢ્યો, ત્યારે CHO ગુસ્સે થઈ ગયો. તેણે છોકરી સાથે ખરાબ વર્તન જ નહીં, પણ તેને માર પણ માર્યો. હવે આ ઘટના બાદ પોલીસે આરોપીની ધરપકડ કરી છે.
CHOનો વિડિયો પણ સોશિયલ મીડિયા પર વાયરલ થયો છે. મળતી માહિતી મુજબ, હસનપુર પોલીસ સ્ટેશન હેઠળના અલીપુર ખાદર ગામનો રહેવાસી બલવિંદર ઉર્ફે મોન્ટી નૌનેર ગામમાં હેલ્થ એન્ડ વેલનેસ સેન્ટરમાં કોમ્યુનિટી ઓફિસર છે. તેને અગિયારમા ધોરણના એક વિદ્યાર્થી સાથે પ્રેમ થઈ ગયો. વિચાર્યું શું ને કે પ્રપોઝ ડે પર વિદ્યાર્થીને પ્રપ્રોઝ કરી દીધું.
જ્યારે પ્રપોઝનો દિવસ આવ્યો, ત્યારે CHO એ છોકરી સમક્ષ પોતાની લાગણીઓ વ્યક્ત કરી. તેને કહ્યું કે હું તને પ્રેમ કરું છું. પછી મારી ગર્લફ્રેન્ડ બનવાનું કહ્યું. પરંતુ જવાબમાં છોકરીએ સંબંધ જાળવવાનો ઇનકાર કરી દીધો. આ પછી મોન્ટી ગુસ્સે થઈ ગયો અને રસ્તાની વચ્ચે છોકરી સાથે ગેરવર્તન કરવા લાગ્યો. છોકરી સાથે હાજર વ્યક્તિએ તેનો વિડિયો બનાવ્યો અને સોશિયલ મીડિયા પર શેર કર્યો.
પોલીસે આરોપીની ધરપકડ કરી
યુવતીએ ગજરૌલા પોલીસ સ્ટેશનમાં CHOના ગેરવર્તણૂક અંગે ફરિયાદ નોંધાવી. આ પછી પોલીસે ચોવીસ કલાકમાં આરોપીની ધરપકડ કરી. આરોપીને રિમાન્ડ પર કોર્ટમાં મોકલવામાં આવ્યો છે. આ પ્રપોઝનો વિડિયો સોશિયલ મીડિયા પર વાયરલ થઈ રહ્યો છે. વિડિયોમાં જોઈ શકાય છે કે પ્રપોઝ કર્યા પછી આરોપી છોકરીને મીઠાઈ ખવડાવવા માંગતો હતો. પણ છોકરીએ ના પાડી. આ પછી તે વ્યક્તિએ છોકરી પર મીઠાઈનો ડબ્બો ફેંક્યો અને તેની સાથે ગેરવર્તન કરવાનું શરૂ કર્યું. હવે આરોપીઓ સામે આગળની કાર્યવાહી ચાલુ છે.
