VIDEO : ઉતાવળના કારણે શખ્સને થયું મોટું નુકસાન, દૃશ્યો જોઈ તમે પણ ડરી જશો
છેલ્લું અપડેટ : 13 Sept 2025
રેલ્વે ફાટક પર લોકોની બેદરકારી ઘણીવાર જોવા મળે છે. ઘણી વખત ફાટક બંધ થયા પછી પણ લોકો ઝડપથી પાટા ઓળંગવાનો પ્રયાસ કરે છે અને આ ઉતાવળમાં તે અકસ્માતનો ભોગ પણ બને છે. આ બેદરકારી ક્યારેક એટલી મોંઘી પડી જાય છે કે વ્યક્તિ પોતાનો જીવ પણ ગુમાવે છે. આવો જ એક વિડિયો આજકાલ સોશિયલ મીડિયા પર વાયરલ થઈ રહ્યો છે, જેમાં બતાવવામાં આવ્યું છે કે રેલવે ફાટક પર બેદરકારી કેટલી મોંઘી પડી શકે છે.
વિડિયોમાં જોઈ શકાય છે કે એક કાર રેલ્વે ફાટક પર કેવી રીતે ફસાઈ જાય છે અને પછી એક હાઇ સ્પીડ ટ્રેન ત્યાં પહોંચે છે. તે પછી થોડીક સેકન્ડમાં જે બન્યું તે જોનારાઓના રૂંવાડા ઊભા કરી નાખે છે. રેલ્વે ફાટક બંધ થવાનો છે, ત્યારે જ એક કાર ચાલક ઉતાવળમાં ટ્રેક ક્રોસ કરવાનો પ્રયાસ કરે છે. પછી ફાટક બંધ થઈ જાય છે અને તે વચ્ચે ફસાઈ જાય છે. તે ગભરાઈ જાય છે અને કારને આગળ પાછળ ખસેડવાનો પ્રયાસ કરે છે જેથી તે ક્યાંકથી બહાર નીકળી શકે, પરંતુ તે કરી શકતો નથી. આ દરમિયાન એક હાઇ સ્પીડ ટ્રેન ટ્રેક પર આવે છે અને કાર સાથે અથડાય છે. ટક્કર એટલી જોરદાર હતી કે કારના ટુકડા થઈ ગયા અને તેનો કાટમાળ દૂર દૂર સુધી વિખેરાઈ ગયો. વીડિયો જોઈને કલ્પના કરી શકાય છે કે અકસ્માત કેટલો ભયાનક હશે. આ ભયાનક દૃશ્યે સોશિયલ મીડિયા પર લોકોને હચમચાવી દીધા છે.
