WTC 2025-27નું શેડ્યૂલ જાહેર થયું, જાણો કોની સામે અને કેટલી મેચ રમશે ટીમ ઈન્ડિયા

સાઉથ આફ્રિકાએ વર્લ્ડ ટેસ્ટ ચેમ્પિયનશિપ (WTC) 2023-25નો ખિતાબ જીત્યાના એક દિવસ પછી, આંતરરાષ્ટ્રીય ક્રિકેટ કાઉન્સિલ (ICC) એ WTC 2025-27નું શેડ્યૂલ જાહેર કર્યું છે. આમાં 9 ટીમો વચ્ચે કુલ 71 મેચ રમાશે. તે 17 જૂનથી શરૂ થવા જઈ રહી છે. પ્રથમ મેચ શ્રીલંકા અને બાંગ્લાદેશ વચ્ચે શ્રીલંકાના ગોલમાં રમાશે. શેડ્યૂલ મુજબ, આ વખતે ઓસ્ટ્રેલિયા સૌથી વધુ 22 મેચ રમશે, જ્યારે ઈંગ્લેન્ડ 21 મેચ રમશે. બંને ટીમો આ વર્ષના અંતમાં એશિઝ સિરીઝ દરમિયાન એકબીજા સામે ટકરાશે. જ્યારે ટીમ ઈન્ડિયા 20 જૂનથી ઈંગ્લેન્ડ સામેની પ્રથમ ટેસ્ટ મેચથી પોતાના અભિયાનની શરૂઆત કરશે. આ મેચ લીડ્સમાં રમાશે.

આ પણ વાંચો :

IND vs ENG / કોહલીને બદલે નંબર 4 પર રમશે ગિલ? જાણો પ્રથમ ટેસ્ટમાં ભારતીય ટીમની પ્લેઈંગ ઈલેવન વિશેના જવાબ

IND vs ENG / ઈંગ્લેન્ડની ધરતી પર આવો છે ભારતીય ટીમનો રેકોર્ડ, અત્યાર સુધી જીતી છે માત્ર આટલી જ ટેસ્ટ

ટીમ ઈન્ડિયા 18 ટેસ્ટ મેચ રમશે

આ પણ વાંચો :

WTC Prize Money / ચેમ્પિયન બનતા જ માલામાલ થઈ સાઉથ આફ્રિકાની ટીમ, ઓસ્ટ્રેલિયા અને ભારતને પણ મળ્યા કરોડો રૂપિયા

BCCI એ જાહેર કર્યું ભારત-ન્યુઝીલેન્ડ સિરીઝનું શેડ્યૂલ, ODI મેચ રમવા ગુજરાત આવશે રોહિત અને વિરાટ

શુભમન ગિલના નેતૃત્વ હેઠળની ટીમ ઈન્ડિયા 2025-27 વર્લ્ડ કપ દરમિયાન કુલ 18 ટેસ્ટ મેચ રમશે. 20 જૂનથી ઈંગ્લેન્ડ સામે 5 ટેસ્ટ મેચની સિરીઝથી તેની શરૂઆત થશે. આ પછી, ટીમ ઈન્ડિયા વેસ્ટ ઈન્ડીઝ, સાઉથ આફ્રિકા અને ઓસ્ટ્રેલિયા સામે ઘરેલુ મેદાન પર ટેસ્ટ સિરીઝ રમશે. આ ઉપરાંત ટેસ્ટ મેચ રમવા ટીમ શ્રીલંકા અને ન્યુઝીલેન્ડના પ્રવાસ પર જશે.

ટીમ ઈન્ડિયાની મેચ

• ઈંગ્લેન્ડ: 5 મેચ
• વેસ્ટ ઈન્ડીઝ: 2 મેચ
• સાઉથ આફ્રિકા: 2 મેચ
• ઓસ્ટ્રેલિયા: 5 મેચ
• શ્રીલંકા: 2 મેચ
• ન્યુઝીલેન્ડ: 2 મેચ

ઓસ્ટ્રેલિયા પાસેથી બદલો લેવા માંગશે ટીમ ઈન્ડિયા

ટીમ ઈન્ડિયાને WTC 2023-25માં ત્રીજા સ્થાનથી સંતોષ માનવો પડ્યો હતો, પરંતુ આ વખતે તેની મોટાભાગની મેચ ઘરેલુ મેદાન પર છે, તેથી તે કોઈપણ સંજોગોમાં જીત નોંધાવવા માંગશે. આમાં સૌથી મોટો પડકાર ઓસ્ટ્રેલિયા છે. ઓસ્ટ્રેલિયાએ આ વખતે ભારતનો પ્રવાસ કરવાનો છે. ટીમ ઈન્ડિયા ઓસ્ટ્રેલિયા સામે પાંચ ટેસ્ટ મેચની સિરીઝ જીતીને પાછલી હારનો બદલો લેવા માંગશે.

ડિફેન્ડિંગ ચેમ્પિયન ઓક્ટોબરમાં પહેલી ટેસ્ટ મેચ રમશે

ડિફેન્ડિંગ ચેમ્પિયન સાઉથ આફ્રિકા ઓક્ટોબરથી પોતાનું અભિયાન શરૂ કરશે. તે પાકિસ્તાન જશે અને ટેસ્ટ સિરીઝ રમશે. સાઉથ આફ્રિકાના ફેન્સ સપ્ટેમ્બર 2026ની આતુરતાથી રાહ જોઈ રહ્યા છે, જ્યારે તેમની ટીમ ઓસ્ટ્રેલિયા સામે ઘરેલુ મેદાન પર ત્રણ ટેસ્ટ મેચની સિરીઝ રમશે.

પૂર્વ ચેમ્પિયન સૌથી વધુ મેચ રમશે

વર્લ્ડ ટેસ્ટ ચેમ્પિયનશિપ 2025-27માં, ફક્ત ઈંગ્લેન્ડ અને ઓસ્ટ્રેલિયા ટીમ ઈન્ડિયા કરતાં વધુ મેચ રમશે. WTC દરમિયાન, ઓસ્ટ્રેલિયા સૌથી વધુ 22 ટેસ્ટ મેચ રમશે, જ્યારે ઈંગ્લેન્ડ 21 ટેસ્ટ મેચ રમશે. આ ઉપરાંત, ન્યુઝીલેન્ડ 16, વેસ્ટ ઈન્ડિઝ 14, સાઉથ આફ્રિકા 14, પાકિસ્તાન 13, શ્રીલંકા 12 અને બાંગ્લાદેશ 12 ટેસ્ટ મેચ રમશે.