IND vs ENG / 'સ્ટાર બોય, ફરીથી ઈતિહાસ...', શુભમન ગિલની ધમાકેદાર ઈનિંગ જોઈને રાજી થઈ ગયો વિરાટ કોહલી
છેલ્લું અપડેટ : 06 Jul 2025
એજબેસ્ટનમાં શુભમન ગિલની ઐતિહાસિક ઈંનિંગ જોયા પછી વિરાટ કોહલી પોતાને તેની પ્રશંસા કરતા રોકી ન શક્યો ગિલે ભારત અને ઈંગ્લેન્ડ વચ્ચેની બીજી ટેસ્ટની બીજી ઈનિંગમાં 161 રન બનાવ્યા હતા, તેણે પ્રથમ ઈનિંગમાં 269 રન બનાવ્યા હતા. તે એક ટેસ્ટમાં સૌથી વધુ રન બનાવનાર વિશ્વનો બીજો ખેલાડી અને ભારતનો પ્રથમ ખેલાડી બન્યો છે.
શુભમન ગિલે બંને ઈનિંગમાં કુલ 430 રન બનાવ્યા, તે એક ટેસ્ટમાં 400 રન બનાવનાર ભારતનો પ્રથમ ખેલાડી છે. આંતરરાષ્ટ્રીય ટેસ્ટમાં સૌથી વધુ રન બનાવનાર ખેલાડી ઈંગ્લેન્ડના ભૂતપૂર્વ કેપ્ટન ગ્રેહામ ગુચ છે, જેમણે 456 રન બનાવ્યા હતા. ગિલ તેનો રેકોર્ડ તોડવાથી 27 રન પાછળ રહી ગયો. પ્રિન્સની ઈનિંગ જોઈને વિરાટ કોહલીએ કહ્યું કે તે આ બધાને પાત્ર છે.
ગિલની ઐતિહાસિક ઇનિંગ પર કોહલીની પ્રતિક્રિયા
આ સિરીઝ પહેલા જ વિરાટ કોહલીએ ટેસ્ટ ક્રિકેટમાંથી નિવૃત્તિ લીધી હતી, ત્યારે મોટો પ્રશ્ન એ હતો કે તેની જગ્યાએ ચોથા નંબર પર કોણ બેટિંગ કરશે. કેપ્ટને સિરીઝ પહેલા જ કહ્યું હતું કે તે આ સ્થાન લેશે. શુભમન ગિલે પહેલી ઈનિંગમાં જ સદી ફટકારી, ત્યારબાદ બીજી ટેસ્ટની પહેલી ઈનિંગમાં બેવડી સદી ફટકારી અને પછી શનિવારે બીજી ઈનિંગમાં સદી ફટકારી. ગિલની ઐતિહાસિક ઈનિંગ જોઈને કોહલીએ ઇન્સ્ટાગ્રામ સ્ટોરી પર તેનો ફોટો શેર કર્યો અને લખ્યું, "સ્ટાર બોય, સારું રમ્યો. ફરીથી ઈતિહાસ લખી રહ્યો છે. અહીંથી આગળ વધી રહ્યો છે, આ બધાને લાયક છો."
ભારત જીતની કગારે
ઈંગ્લેન્ડ ક્રિકેટ ટીમ માટે હવે આ ટેસ્ટ જીતવી અશક્ય લાગે છે, તે આજે છેલ્લા દિવસે ફક્ત ડ્રો કરવાના ઈરાદાથી રમશે. ઈંગ્લેન્ડને જીતવા માટે હજુ પણ 536 રનની જરૂર છે, ચોથા દિવસની રમતના અંત સુધીમાં, ઈંગ્લેન્ડે 72 રન બનાવ્યા પરંતુ 3 વિકેટ પણ ગુમાવી હતી. ટીમ ઈન્ડિયાને ઈતિહાસ બનાવવા માટે વધુ 7 વિકેટની જરૂર છે. ઈતિહાસમાં આ પહેલીવાર હશે જ્યારે ભારત એજબેસ્ટન ક્રિકેટ ગ્રાઉન્ડ પર જીત મેળવશે.
