IND vs IRE / ભારતીય ટીમે જીત્યો ટોસ, પહેલા બોલિંગ કરવાનો લીધો નિર્ણય; જાણો બંને ટીમની પ્લેઈંગ ઈલેવન

ભારત અને આયર્લેન્ડ વચ્ચે 2 મેચની T20I સિરીઝની પહેલી મેચ આજે બેલફાસ્ટમાં રમાઈ રહી છે. T20 વર્લ્ડ કપ જીત્યા બાદ ટીમ ઈન્ડિયા પહેલીવાર આ ફોર્મેટમાં સિરીઝ રમી રહી છે. આ મેચમાં ભારતના કેપ્ટન શ્રેયસ અય્યરે ટોસ જીતીને પહેલા બોલિંગ કરવાનો નિર્ણય લીધો છે. આ મેચમાં વૈભવ સૂર્યવંશી નથી રમી રહ્યો. તેના ડેબ્યુ માટે હજુ રાહ જોવી પડશે.

ભારત અને આયર્લેન્ડ વચ્ચે અત્યાર સુધીમાં આઠ T20 આંતરરાષ્ટ્રીય મેચ રમાઈ છે. ભારતીય ટીમે તમામ આઠ મેચ જીતી છે, જ્યારે આયર્લેન્ડ એક પણ નથી જીત્યું. બેલફાસ્ટમાં બંને ટીમો વચ્ચે આ પહેલી T20I મેચ છે. 2007માં, આ મેદાન પર ભારત અને આયર્લેન્ડ વચ્ચે એક ODI મેચ રમાઈ હતી, જેમાં મેન ઇન બ્લુએ નવ વિકેટથી જીત મેળવી હતી.

બંને ટીમોની પ્લેઈંગ ઈલેવન

ભારત: અભિષેક શર્મા, સંજુ સેમસન (વિકેટકીપર), ઈશાન કિશન, શ્રેયસ અય્યર (કેપ્ટન), તિલક વર્મા, શિવમ દુબે, અક્ષર પટેલ, વોશિંગ્ટન સુંદર, હર્ષિત રાણા, અર્શદીપ સિંહ, પ્રસિદ્ધ કૃષ્ણા.

આયર્લેન્ડ: ટિમ ટેક્ટર, રોસ એડાયર, હેરી ટેક્ટર, લોરકાન ટકર (વિકેટકીપર/કેપ્ટન), બેન્જામિન કેલિટ્ઝ, ગેરેથ ડેલાની, જ્યોર્જ ડોકરેલ, લિયામ મેકાર્થી, મેથ્યુ હમ્ફ્રીસ, જય મુંદડા, મેથ્યુ હોલાર્ડ.