VIDEO: ચેન્નાઈ સુપર કિંગ્સ અને ટીમના કોચનો સહમતિથી અલગ થવાનો નિર્ણય
છેલ્લું અપડેટ : 13 Jul 2026
ઈન્ડિયન પ્રીમિયર ની સૌથી સફળ અને લાંબા સમય સુધી ચાલેલી ભાગીદારીઓમાંની એકનો અંત આવ્યો છે. ચેન્નાઈ સુપર કિંગ્સ અને ટીમના મુખ્ય કોચ સ્ટીફન ફ્લેમિંગે પરસ્પર સહમતીથી અલગ થવાનો નિર્ણય લીધો છે. ટીમ મેનેજમેન્ટ અને ફ્લેમિંગ વચ્ચે અનેક તબક્કાની ખુલ્લી અને સકારાત્મક ચર્ચા બાદ આ નિર્ણય લેવામાં આવ્યો. સ્ટીફન ફ્લેમિંગ 2008માં IPLની પ્રથમ સિઝનમાં ખેલાડી તરીકે CSK સાથે જોડાયા હતા અને 2009થી મુખ્ય કોચ તરીકે ટીમની જવાબદારી સંભાળી હતી. છેલ્લા 17 વર્ષ દરમિયાન તેમના માર્ગદર્શન હેઠળ ચેન્નાઈ સુપર કિંગ્સ IPLની સૌથી સફળ અને સતત શ્રેષ્ઠ પ્રદર્શન કરતી ટીમોમાં સ્થાન પામ્યું હતું. ફ્લેમિંગની કોચિંગમાં CSKએ પાંચ IPL ટ્રોફી અને બે ચેમ્પિયન્સ લીગ T20ના ખિતાબ જીત્યા હતા. ઉપરાંત ટીમે રેકોર્ડ 12 વખત પ્લેઓફ માટે ક્વોલિફાય કર્યું અને 10 વખત IPLની ફાઇનલમાં સ્થાન મેળવ્યું હતું. પોતાના વિદાય સંદેશમાં ફ્લેમિંગે ભાવુક થઈ જણાવ્યું કે રમતગમતમાં 18 વર્ષનો સમયગાળો એક આખા જીવન સમાન હોય છે અને CSK સાથે વિતાવેલો સમય તેમના કોચિંગ કારકિર્દીનો સૌથી મોટો ગૌરવ રહ્યો છે. તેમણે કહ્યું કે ટીમ સાથે અનેક યાદગાર જીતની ઉજવણી કરી, મુશ્કેલ સમયનો પણ સાથે મળીને સામનો કર્યો અને જીવનભર યાદ રહે તેવી અનેક યાદો બનાવી.
