IND vs NZ / ન્યુઝીલેન્ડ સામેની T20 સિરીઝમાં આ 5 ખેલાડીઓ પર હશે નજર, વિદેશી ધરતી પર કરવું પડશે સારું પ્રદર્શન

ટીમ ઈન્ડિયા અને ન્યુઝીલેન્ડ 22 ઓક્ટોબરથી શરૂ થતી પાંચ મેચની T20 સિરીઝ રમવા માટે તૈયાર છે. બંને ટીમો આ સિરીઝ જીતવા માટે શ્રેષ્ઠ પ્રયાસો કરશે. આ સિરીઝ જીતવી ટીમ ઈન્ડિયા માટે મહત્ત્વપૂર્ણ છે. કેપ્ટન શ્રેયસ અય્યર અને હેડ કોચ ગૌતમ ગંભીર ઈચ્છે છે કે ભારત વિદેશી ધરતી પર આ સિરીઝ એકતરફી રીતે જીતે. દરમિયાન, ટીમ મેનેજમેન્ટ અને ફેન્સ આ સિરીઝમાં પાંચ ખેલાડીઓ પર નજર રાખશે, જેમણે ફરી એકવાર પોતાને સાબિત કરવા પડશે.

નમન ધીર 

સ્પિન ઓલરાઉન્ડર નમન ધીરે વેસ્ટ ઈન્ડીઝ સામે આ ફોર્મેટમાં ડેબ્યુ કર્યું હતું, જ્યાં તેણે બેટ અને બોલ બંનેથી પોતાને સાબિત કર્યો હતો. પરંતુ હવે નમન ધીરે વિદેશી ધરતી પર પણ પોતાને સાબિત કરવો પડશે. ધીરને ન્યુઝીલેન્ડની બેટિંગને ખાસ કરીને તેની બોલિંગથી મુશ્કેલીમાં મુકવી પડશે.

ભુવનેશ્વર કુમાર

ફાસ્ટ બોલર ભુવનેશ્વર કુમાર લાંબા સમય પછી વાપસી કરી રહ્યો છે. તેણે વેસ્ટ ઈન્ડિઝ સામેની પાંચમી T20Iમાં વાપસી કરી હતી. જોકે, વરસાદને કારણે તે બોલિંગ નહતો કરી શક્યો. ભુવનેશ્વર કુમાર ન્યુઝીલેન્ડ સામેની T20I સિરીઝમાં ઉત્તમ બોલિંગ દ્વારા પોતાનું સ્થાન મજબૂત કરવા માટે પ્રયત્ન કરશે.

વરુણ ચક્રવર્તી

સ્ટાર સ્પિનર ​​વરુણ ચક્રવર્તી પણ લાંબા સમય પછી ટીમ ઈન્ડિયામાં વાપસી કરી રહ્યો છે. ચક્રવર્તી ઈજાને કારણે લાંબા સમયથી ભારતીય ટીમનો ભાગ નહતો. ફિટ થતાં જ તે ભારતીય ટીમમાં પાછો ફર્યો છે. જોકે, ટીમમાં પોતાનું સ્થાન સુરક્ષિત કરવા માટે વરુણે ફરી એકવાર સારા પ્રદર્શન સાથે પોતાને સાબિત કરવો પડશે.

વૈભવ સૂર્યવંશી

યુવા બેટ્સમેન વૈભવ સૂર્યવંશીને વેસ્ટ ઈન્ડિઝ સામે રમવાની તક નહતી મળી, પરંતુ તેને ન્યુઝીલેન્ડમાં તક મળી શકે છે. આવી સ્થિતિમાં, જો તેને લાંબા સમય સુધી રાહ જોયા પછી પ્લેઈંગ ઈલેવનમાં સ્થાન મળે છે, તો સૂર્યવંશીએ તેનો લાભ લેવો પડશે. સૂર્યવંશીને ન્યુઝીલેન્ડ સામે ઓછામાં ઓછી બે T20 મેચ રમવાની તક મળી શકે છે.

અભિષેક શર્મા

વેસ્ટ ઈન્ડિઝ સામેની પાંચ મેચની સિરીઝમાં અભિષેક શર્માએ ફક્ત એક જ સારી ઈનિંગ રમી હતી. છેલ્લી મેચમાં તે ફક્ત 6 રન જ બનાવી શક્યો હતો. તેથી, અભિષેક શર્માએ ન્યુઝીલેન્ડ સામે ઓછામાં ઓછી બેથી ત્રણ સારી ઈનિંગ્સ રમવી પડશે. અભિષેકે T20 ફોર્મેટમાં ફરી એકવાર પોતાને સાબિત કરવું પડશે.