Vastu Tips / ઘરમાં પૈસા ટકતા નથી કે દેવું વધી ગયું છે? અજમાવો ફટકડીના આ સરળ અને અકસીર ઉપાયો
છેલ્લું અપડેટ : 20 Aug 2026
જીવનમાં ઘણી વખત સતત મહેનત કરવા છતાં આર્થિક તંગી દૂર થતી નથી. આવક કરતાં ખર્ચાઓ સતત વધતા રહે છે અને ઘરમાં પૈસા ટકતા નથી. વાસ્તુશાસ્ત્રમાં આવી સમસ્યાઓનું નિવારણ કરવા માટે ફટકડી (Alum)ના કેટલાક સરળ અને પ્રભાવશાળી ઉપાયો દર્શાવવામાં આવ્યા છે. માન્યતા અનુસાર, ફટકડી નકારાત્મક ઊર્જા દૂર કરી ઘરમાં સુખ, શાંતિ અને સમૃદ્ધિ લાવવામાં મદદ કરે છે.
વ્યવસાયમાં પ્રગતિ માટે
જો દુકાન કે ઓફિસમાં ગ્રાહકોની સંખ્યા ઘટી ગઈ હોય અથવા વ્યવસાયમાં સતત મંદી રહેતી હોય, તો વાસ્તુશાસ્ત્ર અનુસાર ફટકડીનો ઉપયોગ કરવો જોઈએ. એક કાળા સુતરાઉ કાપડમાં ફટકડીનો નાનો ટુકડો બાંધીને દુકાન કે ઓફિસના મુખ્ય પ્રવેશદ્વાર પર લટકાવી દો. આ ઉપાયથી વેપાર સ્થળની નકારાત્મક ઊર્જા દૂર થાય છે અને સકારાત્મક વાતાવરણ ઊભું થતાં ધંધામાં પ્રગતિ થાય છે.
ધન વૃદ્ધિ અને બચત માટે
જો ઘરમાં આવક સારી હોવા છતાં બચત ન થતી હોય અથવા તિજોરીમાં પૈસા ટકતા ન હોય, તો ફટકડીનો એક નાનો ટુકડો લાલ કાપડમાં બાંધીને તિજોરી કે પૈસા રાખવાના સ્થાને મૂકો. વાસ્તુ અનુસાર, આમ કરવાથી બિનજરૂરી ખર્ચાઓ પર નિયંત્રણ આવે છે અને ઘરમાં આર્થિક સ્થિરતા જળવાઈ રહે છે.
ઘરમાંથી નકારાત્મક ઊર્જા અને કંકાસ દૂર કરવા
ઘરમાં વારંવાર થતા પારિવારિક ઝઘડા અને નકારાત્મકતા દૂર કરવા માટે પોતાના પાણીમાં એક ચમચી ફટકડીનો પાવડર અને થોડું સિંધવ મીઠું (અથવા દરિયાઈ મીઠું) ઉમેરીને આખા ઘરમાં પોતા લગાવવા જોઈએ. આ ઉપાયથી ઘરમાં રહેલી નકારાત્મક વાઇબ્સ દૂર થાય છે અને સુખ-શાંતિનો સંચાર થાય છે.
દેવા મુક્તિ અને આર્થિક અવરોધો દૂર કરવા
જે લોકો લાંબા સમયથી દેવા કે લોનની સમસ્યાથી પરેશાન છે, તેમણે કાચના એક બાઉલમાં ફટકડીના થોડા મોટા ટુકડા મૂકીને ઘરની ઉત્તર-પૂર્વ (ઈશાન) દિશામાં રાખવા જોઈએ. દર ૧૫ દિવસે આ ફટકડીના ટુકડા બદલીને નવા રાખવા હિતાવહ છે. માન્યતા મુજબ, આ ઉપાય કરવાથી આર્થિક અવરોધો દૂર થાય છે અને ધન કમાવવાના નવા રસ્તા ખૂલે છે.
