VIDEO: 28 ઑગસ્ટે વર્ષનું છેલ્લું ચંદ્રગ્રહણ: કુંભમાં રાહુ-કેતુનો પ્રભાવ, આ 5 રાશિઓના શ્વાસ અધ્ધર!
છેલ્લું અપડેટ : 27 Aug 2026
વર્ષ 2026નું છેલ્લું ચંદ્રગ્રહણ 28 ઓગસ્ટના રોજ લાગવા જઈ રહ્યું છે. જ્યોતિષીય દ્રષ્ટિકોણથી આ ગ્રહણ ખૂબ જ મહત્ત્વપૂર્ણ માનવામાં આવી રહ્યું છે, કારણ કે તેનો સંયોગ કુંભ રાશિમાં બની રહ્યો છે. આ દરમિયાન ગ્રહોની સ્થિતિ અને રાહુ-કેતુના પ્રભાવને કારણે કેટલીક રાશિઓ માટે સમય થોડો પડકારજનક રહી શકે છે. આ ગ્રહણની અસર તમામ રાશિઓ પર જોવા મળશે, પરંતુ 5 રાશિના જાતકોએ વિશેષ સાવધાની રાખવાની જરૂર પડશે.
કર્ક રાશિ
કર્ક રાશિના જાતકો માટે આ ગ્રહણ આર્થિક બાબતોમાં ગૂંચવણો વધારી શકે છે. અણધાર્યા ખર્ચાઓ સામે આવવાથી બજેટ ખોરવાઈ શકે છે. ઉતાવળમાં લેવાયેલો કોઈ પણ નિર્ણય નાણાકીય નુકસાન પહોંચાડી શકે છે. આ સિવાય મનમાં બેચેની અને સ્વાસ્થ્ય સંબંધિત સમસ્યાઓ પણ પરેશાન કરી શકે છે. સપ્ટેમ્બરમાં કોઈ પણ નિર્ણય સમજી-વિચારીને લેવો હિતાવહ રહેશે.
સિંહ રાશિ
સિંહ રાશિના જાતકો માટે ગ્રહણ સાતમા ભાવમાં થઈ રહ્યું છે. તેના પ્રભાવથી વૈવાહિક જીવન અને ભાગીદારીના કામોમાં તણાવ આવી શકે છે. જીવનસાથીના સ્વાસ્થ્ય કે મતભેદને કારણે ચિંતા વધી શકે છે. કાનૂની અને પ્રોપર્ટી સંબંધિત મામલાઓમાં ઉતાવળ ન કરવી. વાહન ચલાવતી વખતે ખાસ કાળજી રાખવી અને કોઈ પણ પ્રકારનું જોખમ લેવાનું ટાળવું.
મકર રાશિ
મકર રાશિ માટે ગ્રહણ ધન અને પરિવાર સંબંધિત બાબતોને અસર કરી શકે છે. કોઈ નજીકના વ્યક્તિના કારણે માનસિક કે આર્થિક પરેશાની થઈ શકે છે. ભાવનાઓમાં આવીને નિર્ણય લેવાને બદલે વ્યવહારુ અભિગમ અપનાવવો. આ સમયે ખર્ચ વધશે, પરંતુ આવકના સ્ત્રોત પરિસ્થિતિને સંભાળવામાં મદદ કરશે. કોઈની વાતોમાં આવ્યા વગર સત્યતા ચકાસીને જ આગળ વધવું.
કુંભ રાશિ
આ ચંદ્રગ્રહણ કુંભ રાશિમાં જ થઈ રહ્યું હોવાથી આ રાશિના જાતકો પર તેની સૌથી વધુ અસર જોવા મળશે. સપ્ટેમ્બર મહિનામાં દરેક કામ ખૂબ જ વિચારપૂર્વક કરવું. સ્વાસ્થ્યમાં ઉતાર-ચડાવ આવી શકે છે અને અચાનક બચતનો ઉપયોગ કરવો પડી શકે છે. રોકાણ કે મોટા આર્થિક નિર્ણયો ટાળવા. સાસુ-સસરા પક્ષ સાથે વાદ-વિવાદ ન થાય તે માટે વાણી પર સંયમ રાખવો.
મીન રાશિ
મીન રાશિના જાતકો પર શનિની સાડાસાતીની અસર ચાલી રહી છે, તેમાં પણ આ ગ્રહણ માનસિક અને આર્થિક પડકારો વધારી શકે છે. મોસમી બીમારીઓ કે ઈન્ફેક્શન પ્રત્યે બેદરકારી ન રાખવી. હાથમાં આવેલી સારી તક જતી ન રહે તે માટે આર્થિક બાબતોમાં જાગૃત રહેવું. વિરોધીઓથી સાવધાન રહેવું અને કોઈના પર વિશ્વાસ ન કરવો.
નોંધ:- આ લેખમાં આપવામાં આવેલી તમામ માહિતી વિવિધ સ્રોતો જેવા કે - પંચાંગો/ ઉપદેશો/ ધાર્મિક માન્યતાઓ/જ્યોતિષીઓ/ શાસ્ત્રોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.