Religion: કરવા ચોથ પર આ ખાસ વસ્તુઓ કરવાથી ,પતિ અને પત્ની વરચેનો પ્રેમ વધશે
છેલ્લું અપડેટ : 08 Oct 2025
હિંદુ ધર્મમાં કરવા ચોથને ખૂબ જ શુભ દિવસ માનવામાં આવે છે.પરિણીત મહિલાઓ આ દિવસે કડક ઉપવાસ રાખે છે.આ તહેવારને પતિ-પત્ની વચ્ચે પ્રેમ અને ભક્તિનું પ્રતીક પણ માનવામાં આવે છે.
આ તહેવાર ખાસ કરીને ઉત્તર ભારતના કેટલાક રાજ્યો,જેમ કે દિલ્હી, હરિયાણા, પંજાબ, રાજસ્થાન અને ઉત્તર પ્રદેશમાં ઉજવવામાં આવે છે.વધુમાં,આ દિવસ એટલા માટે પણ મહત્વપૂર્ણ છે કારણ કે મહિલાઓ આ પ્રસંગે તેમના પતિના લાંબા આયુષ્ય,સ્વાસ્થ્ય અને સમૃદ્ધિ માટે ઉપવાસ રાખે છે.એવું કહેવાય છે કે આ વ્રત રાખવાથી શાશ્વત સૌભાગ્ય મળે છે.દૃક પંચાંગ અનુસાર,આ વર્ષે કરવા ચોથનું વ્રત શુક્રવાર,10 ઓક્ટોબરના રોજ મનાવવામાં આવશે.
કરવા ચોથ પૂજામાં વપરાતી દરેક વસ્તુ ખૂબ જ મહત્વપૂર્ણ છે,જેમાંથી સૌથી ખાસ દીવો,ચાળણી અને કરવા છે.તો ચાલો જાણીએ આ ત્રણ વસ્તુઓનું મહત્વ.
કરવા ચોથ પર દીવાનું મહત્વ
કરવા ચોથ પર દીવો પ્રગટાવવાની પરંપરા ખૂબ જ શુભ માનવામાં આવે છે.ધાર્મિક માન્યતાઓ અનુસાર,આ દિવસે દીવો પ્રગટાવવાથી માત્ર જીવનમાં પ્રકાશ જ નહીં, પણ સકારાત્મકતા પણ આવે છે.જ્યારે દીવો પ્રગટાવવામાં આવે છે,ત્યારે તે અંધકાર અને નકારાત્મક ઉર્જા દૂર કરે છે,જેનાથી ઘરનું વાતાવરણ શુદ્ધ અને શાંતિપૂર્ણ રહે છે. તેથી,કરવા ચોથ પૂજા દરમિયાન દીવો પ્રગટાવવો એ સૌભાગ્ય અને સમૃદ્ધિનું પ્રતીક માનવામાં આવે છે.
કરવા ચોથ પર કરવાનું મહત્વ
શાસ્ત્રો અનુસાર,કરવા ચોથ દરમિયાન વપરાતા માટીના વાસણનું ખૂબ મહત્વ છે.માન્યતાઓ અનુસાર,આ વાસણને પ્રેમ,ભક્તિ અને સમૃદ્ધિનું પ્રતીક પણ માનવામાં આવે છે. પૂજા દરમિયાન,તેમાં પાણી ભરીને દેવી-દેવતાઓને અર્પણ કરવામાં આવે છે.
કરવા ચોથ પર ચાળણીનું મહત્વ
કરવા ચોથ પર ચાળણીને સૌથી મહત્વપૂર્ણ વસ્તુ માનવામાં આવે છે.આ દિવસે ચંદ્ર ઉગે છે ત્યારે સ્ત્રીઓ પહેલા આ ચાળણી દ્વારા ચંદ્રને જુએ છે અને પછી તેમના પતિઓને જુએ છે.એવું કહેવાય છે કે આ વ્રત દરમિયાન ચાળણીનો ઉપયોગ કરવાથી પતિ-પત્ની વચ્ચે પ્રેમનું અતૂટ બંધન બંધાય છે.
કરવ ચોથ પૂજા પદ્ધતિ
કરવ ચોથ પર,સ્ત્રીઓ સૌપ્રથમ જાગે છે અને સૂર્યોદય પહેલાં સરગી લે છે.સ્નાન કર્યા પછી,તેઓ તેમની સાસુ દ્વારા આપવામાં આવેલા નવા કપડાં પહેરે છે.પછી, બપોરે, શુભ મુહૂર્તનું પાલન કર્યા પછી,તેઓ માતા ચોથ અને દેવી ગૌરીની પૂજા કરે છે,અને સૂર્ય દેવને પ્રાર્થના કરે છે.પછી,રાત્રે તેઓ ચંદ્રની પૂજા કર્યા પછી ઉપવાસ તોડે છે.
નોંધ:- આ લેખમાં આપવામાં આવેલી તમામ માહિતી વિવિધ સ્રોતો જેવા કે - પંચાંગો/ ઉપદેશો/ ધાર્મિક માન્યતાઓ/જ્યોતિષીઓ/ શાસ્ત્રોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.
