Vastu Tips: ઘરમાં ડોરબેલ લગાવતા પહેલાં જાણી લો વાસ્તુના આ નિયમો, નહીંતર વધી શકે છે કલેશ!
છેલ્લું અપડેટ : 29 Jun 2026
ઘણા લોકો પોતાના ઘરના મુખ્ય દરવાજે ડોરબેલ લગાવે છે. એવું માનવામાં આવે છે કે ડોરબેલનો મધુર અવાજ વ્યક્તિના જીવનમાં અને ઘરમાં સકારાત્મક ઉર્જા લાવે છે. વાસ્તુશાસ્ત્રમાં ડોરબેલના અવાજ અને તેની દિશાનું પણ વિશેષ મહત્વ દર્શાવવામાં આવ્યું છે.
ધાર્મિક માન્યતાઓ અનુસાર, અવાજ સીધો વ્યક્તિના મન અને મગજ પર અસર કરે છે. જો ડોરબેલનો અવાજ સુખદ અને મધુર હોય, તો તેની ઘરમાં સકારાત્મક અસર થાય છે. વાસ્તુશાસ્ત્રમાં ઘરમાં કયા પ્રકારની ડોરબેલ અને કઈ દિશામાં લગાવવી જોઈએ તેના કેટલાક ખાસ નિયમો જણાવવામાં આવ્યા છે, ચાલો તેના વિશે વિગતવાર જાણીએ:
ડોરબેલ લગાવવા માટેના વાસ્તુ નિયમો:
-
મંત્રોચ્ચાર વાળી ડોરબેલ: વાસ્તુશાસ્ત્ર અનુસાર, ગાયત્રી મંત્ર કે અન્ય મંત્રોચ્ચારના અવાજ વાળી ડોરબેલ વગાડવાથી ઘરમાં સકારાત્મક ઉર્જાનું વાતાવરણ બને છે. આ પ્રકારની ડોરબેલ તમે ઘરની દક્ષિણ-પૂર્વ (અગ્નિ) દિશામાં લગાવી શકો છો.
-
પક્ષીઓના કિલકિલાટ વાળી ડોરબેલ: જો તમે પક્ષીઓના કિલકિલાટ કે કુદરતી અવાજ વાળી ડોરબેલ લગાવવા માંગતા હો, તો તેને ઘરની ઉત્તર-પશ્ચિમ (વાયુ) દિશામાં લગાવી શકો છો. આ દિશામાં આવી ડોરબેલ લગાવવી ખૂબ જ શુભ માનવામાં આવે છે, જે જીવનમાં ઉત્સાહ લાવે છે.
-
નેમપ્લેટ અને સ્વીચનું સ્થાન: ઘરમાં ડોરબેલની સ્વીચ હંમેશા નેમપ્લેટની ઉપર હોવી જોઈએ. એવું માનવામાં આવે છે કે આનાથી ઘરે આવતા મહેમાનો સાથેના સંબંધો સુધરે છે અને ઘરના વડા (મુખી)ની સુખ-સમૃદ્ધિમાં વધારો થાય છે.
-
મુખ્ય દરવાજા પર યોગ્ય સ્થાન: જો તમે ઘરના મુખ્ય પ્રવેશદ્વાર (મેઈન ગેટ) પર ડોરબેલ લગાવી રહ્યા છો, તો તેને દરવાજાની જમણી બાજુએ લગાવો. વાસ્તુ મુજબ આ દિશા સૌથી વધુ શુભ માનવામાં આવે છે.
ભૂલથી પણ ન કરો આ કામ:
-
કર્કશ અવાજ વાળી ડોરબેલથી બચો: તમારા ઘરમાં ક્યારેય એવી ડોરબેલ ન લગાવો જેનો અવાજ કર્કશ હોય કે સાંભળવો ગમે નહીં. આવો તીણો અને અપ્રિય અવાજ ઘરમાં નકારાત્મકતા તેમજ ક્લેશને પ્રોત્સાહન આપે છે. તેથી, હંમેશા કાનને શાંતિ આપે તેવી મધુર ડોરબેલ જ પસંદ કરો.
-
પૂજા ઘરની નજીક ન લગાવવી: ઘરના મંદિર કે પ્રાર્થના ખંડની નજીક ક્યારેય ડોરબેલ ન લગાવો કે તેની સ્વીચ ન રાખવી. એવું માનવામાં આવે છે કે તેનો અવાજ પૂજા કે ધ્યાનમાં બેઠેલી વ્યક્તિનું મન ભટકાવી શકે છે અને એકાગ્રતાનો ભંગ કરે છે.
નોંધ:- આ લેખમાં આપવામાં આવેલી તમામ માહિતી વિવિધ સ્રોતો જેવા કે - પંચાંગો/ ઉપદેશો/ ધાર્મિક માન્યતાઓ/જ્યોતિષીઓ/ શાસ્ત્રોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.
