વધુ ખર્ચના ડરથી નથી બનાવી રહ્યા ફરવાનો પ્લાન? તો આ ટિપ્સથી બચાવી શકો છો પૈસા
છેલ્લું અપડેટ : 18 Jan 2025
ઘણા લોકોને મુસાફરી કરવી ખૂબ ગમે છે. રોજિંદા ધમાલ અને કામના દબાણમાંથી બ્રેક લેવો મહત્ત્વપૂર્ણ છે. આવી સ્થિતિમાં, મુસાફરી એક સુખદ અનુભવ સાબિત થઈ શકે છે. આ માઈન્ડ ફ્રેશ કરવાની તક આપશે. જોકે, જ્યારે તમારો ખર્ચ જરૂર કરતાં વધી જાય છે ત્યારે આ મુસાફરીનો અનુભવ બગડી શકે છે.
આ પણ વાંચો: ગીરમાં માણી શકશો ગોવા જેવો આનંદ, અહેમદપુર માંડવી બીચ પર આ તારીખથી યોજાશે ફેસ્ટિવલ
આ સમય દરમિયાન થતા ખર્ચને સરળતાથી મેનેજ કરવો દરેક માટે સરળ નથી, પરંતુ આનો અર્થ એ નથી કે તમારે મુસાફરી કરવાનું બંધ કરી દેવું જોઈએ. સમય સમય પર મુસાફરી કરવી પણ ખૂબ જ મહત્ત્વપૂર્ણ છે. આવી સ્થિતિમાં, તમે કેટલીક સ્માર્ટ ટ્રાવેલ ટિપ્સ અપનાવીને તમારી મુસાફરી સસ્તી અને સરળ બનાવી શકો છો.
એડવાન્સ બુકિંગ કરો
ટ્રેન હોય કે ફ્લાઈટ હોય તત્કાલમાં ટિકિટ બુક કરાવવાથી કિંમત વધી જશે. આવી સ્થિતિમાં અગાઉથી ટિકિટ બુક કરીને, તમે ઓછી કિંમતે તમારી પસંદગીની સીટ પણ મેળવી શકો છો. તો લગભગ 2 મહિના અગાઉથી તમારી ટિકિટ બુક કરાવો અને પૈસા બચાવો.
ઓફ સિઝન મુસાફરી કરો
માર્ચ, એપ્રિલ, સપ્ટેમ્બર, ઓક્ટોબર મહિનામાં કોઈ મોટી રજાઓ નથી હોતી જેના કારણે મોટાભાગના પર્યટન સ્થળો પર ભીડ ઓછી હોય છે. કોઈપણ પર્યટન સ્થળની પોતાની ઓફ-સિઝન પણ હોય છે. તેથી પૈસા બચાવવા માટે તમે ઓફ-સિઝન મુસાફરી કરી શકો છો. આ સમયગાળા દરમિયાન ટિકિટની માંગ ઓછી હોય છે અને તેથી તે સસ્તામાં ઉપલબ્ધ હોય છે અને હોટેલના રૂમની કિંમત પણ ઓછી હોય છે.
સ્થાનિક પરિવહન પસંદ કરો
દરેક જગ્યાએ ફ્લાઈટ્સ અથવા કેબ બુક કરવાને બદલે, સ્થાનિક પરિવહનનો ઉપયોગ કરો કારણ કે તે સસ્તું હોય છે. શક્ય હોય ત્યાં પગપાળા જવું જોઈએ. આનાથી જોવાલાયક સ્થળોનો પ્રવાસ કરવામાં પણ મદદ મળે છે.
આ પણ વાંચો: શિયાળામાં ફરવા જવા માંગતા હોવ તો જરૂર સાથે રાખો આ વસ્તુઓ, નહીં તો ઠંડીમાં હાલત ખરાબ થઈ જશે
સ્થાનિક ભોજન
તમે જ્યાં પણ મુસાફરી કરવા જાઓ છો, ત્યાં સૌથી વધુ ખર્ચ ખોરાક પર થાય છે. આવી સ્થિતિમાં, મોટા ફેન્સી રેસ્ટોરન્ટમાં જવાને બદલે, સ્થાનિક બજારમાં ભોજન કરો, ત્યાં તમને સસ્તા દરે સારું ભોજન મળી શકે છે. મોંઘી રેસ્ટોરન્ટ સર્વિસ ચાર્જ અને વિવિધ પ્રકારના ટેક્સ લાદીને ભોજનને મોંઘુ બનાવે છે.
સ્માર્ટ પેકિંગ કરો
જો તમારી પાસે વધુ સામાન હોય, તો તમારે વધારાનો ચાર્જ ચૂકવવો પડી શકે છે. તેથી તમારા બેકપેકને હળવું રાખો જેથી તે ચોક્કસ વજન મર્યાદાથી વધી ન જાય. બજારમાં ડિજિટલ લગેજ સ્કેલ પણ ઉપલબ્ધ છે, જેની મદદથી તમે ઘરે બેઠા તમારા સામાનનું વજન માપી શકો છો અને તે મુજબ તેને પેક કરી શકો છો.
દવાઓ સાથે રાખો
કોઈપણ વ્યક્તિ ઘરથી દૂર જઈ બીમાર નહીં પડવા માંગે. કારણ કે મુસાફરી દરમિયાન ડોક્ટરને શોધવા મુશ્કેલ થઈ શકે છે. તેથી, તમારી કેટલીક દવાઓ પેકકરી લો. જેથી કોઈ નાની સમસ્યાના કિસ્સામાં તમે તમારી સારવાર કરી શકો અને સમસ્યા વધુ ખરાબ ન થાય.
