Travel Places / ફેબ્રુઆરીમાં ફરવા જવા માંગો છો? તો આ 5 જગ્યાઓ એક્સપ્લોર કરવાનો બનાવો પ્લાન
છેલ્લું અપડેટ : 27 Jan 2026
ફેબ્રુઆરી એ ઋતુ છે જ્યારે ઠંડી ઓછી થવા લાગેછે, હવામાન ખુશનુમા હોય છે અને મુસાફરી આરામદાયક લાગે છે. ફેબ્રુઆરી એ મુસાફરી માટે શ્રેષ્ઠ સમય છે, આ સમયે ન તો ઠંડી તમને પરેશાન કરે છે કે ન તો ગરમી લાગે છે. પર્વતો સ્પષ્ટ દેખાય છે અને સમુદ્ર શાંત હોય છે. જો તમે વર્ષમાં ફક્ત એક જ ટ્રિપ પ્લાન કરો છો, તો ફેબ્રુઆરી સૌથી સારો મહિનો છે.
ફેબ્રુઆરીમાં મુસાફરીના ફાયદા
- વાજબી હોટેલ અને ફ્લાઈટ રેટ્સ
- ઓછી ભીડ, વધુ અનુભવો
- ફોટોગ્રાફી માટે સ્વચ્છ આકાશ
- પેકિંગ સરળ રહે છે
ચાલો ફેબ્રુઆરીમાં ફરવા માટે ભારતના સ્થળો વિશે જાણીએ.
જયપુર
રાજસ્થાનનું આ ગુલાબી શહેર ફેબ્રુઆરીમાં વસંતના રંગોમાં રંગાઈ જાય છે. જયપુરનું હવામાન ફેબ્રુઆરીમાં પરફેક્ટ હોય છે. આ મહિનામાં દિવસો થોડા ગરમ અને રાત ઠંડી હોય છે. આ શહેર ઈતિહાસ, સંસ્કૃતિ અને શાહી ભવ્યતાનું સુંદર મિશ્રણ છે.
ક્યા સ્થળની મુલાકાત લેવી?
- આમેર કિલ્લો, હવા મહેલ, સિટી પેલેસ
- સ્થાનિક બજારો અને રાજસ્થાની ભોજન
- જયપુર સાહિત્ય મહોત્સવ (ઘણીવાર જાન્યુઆરી-ફેબ્રુઆરીમાં યોજાય છે)
ઋષિકેશ
ઉત્તરાખંડમાં ઋષિકેશ આરામ અને એડવેન્ચરનું મિશ્રણ પ્રદાન કરે છે. ફેબ્રુઆરીમાં અહીં થ્નાડી વધુ નથી હોતી અને ભીડ પણ ઓછી હોય છે. આ સ્થળ એવા લોકો માટે યોગ્ય છે જેઓ શાંતિપૂર્ણ અને રોમાંચક પ્રવાસ ઈચ્છે છે.
અહીં શું કરવું?
- ગંગા આરતીનો આધ્યાત્મિક અનુભવ લો
- યોગ, ધ્યાન અને કાફે સંસ્કૃતિનો આનંદ માણો
- રિવર રાફ્ટિંગ કરો
ગોવા
આ મહિને ગોવામાં નવા વર્ષની ભીડ ઓછી થઈ ગઈ હોય છે, પરંતુ હવામાન ઉત્તમ હોય છે. આ સમયે અહીં પાર્ટી કરવા કરતાં સુંદર દરિયાકિનારા પર શાંત સમય પસાર કરવાની તક મળે છે.
અહીં શું કરવું?
- સ્વચ્છ સમુદ્ર અને સોનેરી રેતીનો આનંદ માણો
- ઉત્તર ગોવામાં નાઈટલાઈફ, દક્ષિણ ગોવામાં શાંતિનો અનુભવ કરો
- સૂર્યાસ્તનો આનંદ માણો
કચ્છ
કચ્છ સફેદ રણ અને લોક સંસ્કૃતિનું ઘર છે. ફેબ્રુઆરી એ રણ ઉત્સવ માટે છેલ્લો મહિનો હોય છે. અહીંની સફર ફક્ત ફરવા જવા માટે જ નથી, પરંતુ અનુભવ માટે પણ છે.
અહીં શું જોવું?
- સફેદ મીઠાનું રણ
- લોકનૃત્ય, કચ્છની હસ્તકલા
- રાત્રે રણનો જાદુ
વારાણસી
ઉત્તર પ્રદેશનું આ શહેર વિશ્વભરમાં પ્રખ્યાત છે. ફેબ્રુઆરીમાં વારાણસીનું હવામાન અત્યંત આરામદાયક હોય છે. અહીંનો શાંત અને દૈવી અનુભવ તમારા મનમાં શાંતિ અને શુદ્ધતા લાવે છે.
અહીં શું કરવું?
- ગંગા ઘાટ પર સવારે બોટની સવારી
- કાશી વિશ્વનાથ મંદિરના દર્શન
- ગંગા આરતીમાં ભાગ લો
- બનારસનું ભોજન અને શેરીઓ એક્સપ્લોર કરો
