Festivals / સ્પેનથી ઇટલી સુધી, આ દેશોમાં પણ ઉજવવામાં આવે છે હોળી જેવા તહેવારો
છેલ્લું અપડેટ : 21 Feb 2026
સોર્સ : GSTV
ભારતમાં ઉજવવામાં આવતી હોળી ફક્ત રંગોનો જ તહેવાર નથી, પરંતુ આનંદ, એકતા અને ઉત્સાહનું પ્રતીક છે. પરંતુ શું તમે જાણો છો કે હોળી જેવા રંગબેરંગી અને મનોરંજક તહેવારો વિશ્વના અન્ય દેશોમાં પણ ઉજવવામાં આવે છે?
આખી દુનિયા રંગોની ભાષા સમજે છે. જ્યારે વિદેશમાં રંગોનો તહેવાર હોળી જેવું પરંપરાગત, સાંસ્કૃતિક અથવા ધાર્મિક મહત્ત્વ નથી ધરાવતો, પરંતુ રંગ, મજા અને ઉત્સાહની ભાવના સમગ્ર વિશ્વમાં સમાન છે. પછી ભલે તે સ્પેનના ટમેટા હોય, ઇટલીના સંતરા હોય, થાઇલેન્ડનું પાણી હોય કે બ્રાઝિલનો કાર્નિવલ હોય, દરેક જગ્યાએ લોકો તહેવાર ઉજવવાનું પસંદ કરે છે. ચાલો આમાંના કેટલાક અનોખા અને રંગબેરંગી તહેવારો વિશે જાણીએ.
સ્પેનનો લા ટોમાટીના ફેસ્ટિવલ
- સ્પેનિશ શહેર બુનોલમાં દર વર્ષે યોજાતા લા ટોમાટીના ફેસ્ટિવલને વિશ્વનું સૌથી મોટો ટમેટાનું યુદ્ધ માનવામાં આવે છે.
- ઓગસ્ટના છેલ્લા બુધવારે, હજારો લોકો રસ્તાઓ પર ઉતરે છે, એકબીજા પર પાકેલા ટમેટા ફેંકે છે.
- આખું શહેર લાલ રંગમાં રંગાઈ જાય છે.
- આ તહેવાર 1945થી ઉજવવામાં આવે છે અને તે સ્પેનની ઓળખ બની ગયો છે.
ખાસ વાત
- દર વર્ષે 100 ટનથી વધુ ટમેટાનો ઉપયોગ થાય છે.
- આ તહેવાર સંપૂર્ણપણે સલામત અને શિસ્તબદ્ધ રીતે યોજાય છે.
ઇટલીનો ઓરેંજ બેટલ ફેસ્ટિવલ
- ઇટલીના ઇવરિયા શહેરમાં ઉજવાતો ઓરેંજ બેટલ ફેસ્ટિવલ તેના સંતરાના યુદ્ધ માટે પ્રખ્યાત છે.
- આ તહેવાર ફેબ્રુઆરીમાં યોજાય છે અને ત્રણ દિવસ ચાલે છે.
- લોકો ટીમો બનાવે છે અને એકબીજા પર સંતરા ફેંકે છે.
માન્યતા
- આ તહેવાર એક ઐતિહાસિક બળવાની યાદમાં ઉજવવામાં આવે છે.
- શેરીઓમાં પથરાયેલા સંતરાનો નજારો હોળીના રંગો જેવો દેખાય છે.
થાઈલેન્ડનો સોંગક્રાન વોટર ફેસ્ટિવલ
- થાઈ નવા વર્ષ દરમિયાન ઉજવાતો સોંગક્રાન તેના રંગબેરંગી જળ ઉત્સવ માટે પ્રખ્યાત છે.
- તે મુખ્યત્વે થાઇલેન્ડમાં એપ્રિલમાં ઉજવવામાં આવે છે.
- લોકો શેરીઓમાં ઉતરે છે અને એકબીજા પર પાણી રેડે છે.
- ઘણી જગ્યાએ રંગીન પાણી અનેવોટર ગનનો ઉપયોગ થાય છે.
- હોળીની જેમ આ તહેવાર બધા દુ:ખ ભૂલીને નવા વર્ષની શરૂઆતનું પ્રતીક છે.
બ્રાઝિલનો કાર્નિવલ
- બ્રાઝિલમાં રિયો કાર્નિવલને વિશ્વનો સૌથી મોટો અને સૌથી રંગીન કાર્નિવલ માનવામાં આવે છે.
- તેમાં રંગો નથી ફેંકવામાં આવતા, તેમ છતાં રંગબેરંગી પોશાક, નૃત્ય અને પરેડ તેને હોળી જેવી જ ઉર્જાથી ભરી દે છે.
- દર વર્ષે લાખો પ્રવાસીઓ તેમાં હાજરી આપે છે.
