Recipe / વરસાદની ઋતુમાં બનાવો પનીર પોપકોર્ન, ચા સાથે સર્વ કરવા માટે છે પરફેક્ટ નાસ્તો

મોટાભાગના લોકો વરસાદની ઋતુમાં સાંજની ચા સાથે ભજીયા ખાવાનું પસંદ કરે છે. પરંતુ જો તમે ભજીયા ખાઈને કંટાળી ગયા છો, તો આ વખતે કંઈક નવું ટ્રાય કરો. અહીં અમે તમને પનીર પોપકોર્ન બનાવવાની રીત જણાવી રહ્યા છીએ.

આ પણ વાંચો :

Recipe / સાંજના નાસ્તા માટે બનાવો સ્વાદિષ્ટ ચિલી પોટેટો, નોટ કરી લો સરળ રીત

Recipe : નાસ્તામાં સ્વાદિષ્ટ અને સ્વસ્થ કંઈક ખાવા માંગતા હો, તો  બનાવો 10 મિનિટમાં રવા ઈડલી

તમે તેને સાંજની ચા સાથે સર્વ કરી શકો છો. પનીરથી બનેલો આ નાસ્તો ખૂબ જ સ્વાદિષ્ટ લાગે છે. ચાલો તમને તેની સરળ રેસીપી જણાવી દઈએ.

સામગ્રી

• 500 ગ્રામ પનીર
• 1-2 છીણેલા લીલા મરચા
• 1 ચમચી છીણેલું લસણ
• 2 ચમચી લાલ મરચું પાવડર
• 1/2 ચમચી હળદર પાવડર
• 1 1/2 ચમચી ચાટ મસાલો
• 1 ચમચી ગરમ મસાલો
• 2 કપ ચણાનો લોટ
• 1 કપ ચોખાનો લોટ
• 1/2 ચમચી કાળા મરી પાવડર
• 1/2 ચમચી ઓરેગાનો
• 1 ચમચી ચિલી ફ્લેક્સ
• કોથમીરના પાન
• સ્વાદ મુજબ મીઠું
• જરૂર મુજબ પાણી
• 1 વાટકી કોર્નફ્લેક્સ
• તળવા માટે તેલ

બનાવવાની રીત

• પનીર પોપકોર્ન બનાવવા માટે, સૌપ્રથમ તાજું પનીર લો અને તેને નાના ક્યુબ્સમાં કાપી લો.
• હવે પનીરને મેરિનેટ કરવા માટે એક બાઉલમાં લીલા મરચા અને લસણ લો.
• હવે તેમાં એક ચમચી લાલ મરચું પાવડર, હળદર પાવડર, 1/2 ચમચી ચાટ મસાલો, ગરમ મસાલો અને મીઠું સારી રીતે મિક્સ કરો.
• હવે પનીર ક્યુબ્સને આ મસાલામાં મેરિનેટ કરો. પછી તેને બાજુ પર રાખો અને બેટર તૈયાર કરો.
• બેટર તૈયાર કરવા માટે, એક મોટા વાસણમાં ચણાનો લોટ અને ચોખાનો લોટ લો.
• હવે તમે એક ચમચી લાલ મરચું પાવડર, કાળા મરી પાવડર, ઓરેગાનો, એક ચમચી ચાટ મસાલો, ચિલી ફ્લેક્સ, કોથમરી અને મીઠું મિક્સ કરો.
• આ પછી જરૂર મુજબ પાણી ઉમેરો અને સ્મૂધ બેટર તૈયાર કરો.
• હવે આ બેટરમાં મેરિનેટ કરેલી પનીર ક્યુબ્સ ઉમેરો.
• એક પ્લેટમાં કોર્નફ્લેક્સ કાઢીને તેને હાથથી દબાવીને પાવડર બનાવો.
• હવે બેટરમાંથી પનીર ક્યુબ્સ લઈ કોર્નફ્લેક્સમાં લપેટી લો અને પછી ગરમ તેલમાં ગોલ્ડન બ્રાઉન થાય ત્યાં સુધી તળો.
• તૈયાર છે પનીર પોપકોર્ન. તેને ચા અને ટોમેટો કેચઅપ સાથે સર્વ કરો.