Recipe / સવાર કે સાંજના નાસ્તા માટે બનાવી શકો છો પનીર ભુર્જી સેન્ડવીચ, નોટ કરી લો સરળ રીત
છેલ્લું અપડેટ : 11 Sept 2025
સોર્સ : Google
પનીર ભુર્જી સેન્ડવીચ સવાર કે સાંજના નાસ્તામાં બનાવવા માટે ખૂબ જ સારો વિકલ્પ છે. પનીર પ્રોટીનનો સારો સ્ત્રોત છે અને પનીર ભુર્જીનો સ્વાદ પણ ખૂબ જ સારો હોય છે. તેને બ્રેડમાં નાખીને સેન્ડવીચ બનાવીને ખાવાની પણ મજા આવે છે. ચાલો તમને પનીર ભુર્જી સેન્ડવીચ બનાવવાની સરળ રીત જણાવી દઈએ.
સામગ્રી
- પનીર- 200 ગ્રામ (છીણેલું)
- ડુંગળી- 1 મધ્યમ કદ (બારીક સમારેલી)
- ટમેટું- 1 મધ્યમ કદ (બારીક સમારેલું)
- લીલા મરચા- 1-2 (બારીક સમારેલા)
- આદુ-લસણની પેસ્ટ- 1 ચમચી
- હળદર પાવડર- 1/2 ચમચી
- ધાણા પાવડર- 1 ચમચી
- ગરમ મસાલો- 1/2 ચમચી
- લાલ મરચા પાવડર- 1/2 ચમચી
- મીઠું- સ્વાદ મુજબ
- તેલ અથવા ઘી- 2 ચમચી
- કોથમરી- 2 ચમચી (બારીક સમારેલી)
- બ્રેડ સ્લાઈસ- 4-6 નંગ
- ફુદીનાની ચટણી અથવા ટોમેટો કેચઅપ: જરૂર મુજબ
બનાવવાની રીત
- સૌપ્રથમ એક પેનમાં તેલ અથવા ઘી ગરમ કરો.
- હવે તેમાં બારીક સમારેલી ડુંગળી ઉમેરો અને સોનેરી થાય ત્યાં સુધી સાંતળો.
- હવે આદુ-લસણની પેસ્ટ અને લીલા મરચા ઉમેરો. સુગંધ આવે ત્યાં સુધી અથવા 1-2 મિનિટ માટે સાંતળો.
- આ પછી, બારીક સમારેલું ઉમેરો અને નરમ થાય ત્યાં સુધી રાંધો.
- હવે હળદર પાવડર, ધાણા પાવડર, લાલ મરચું પાવડર અને ગરમ મસાલો ઉમેરો અને સારી રીતે મિક્સ કરો.
- મસાલાને 1 મિનિટ માટે શેકો અને પછી તેમાં છીણેલું પનીર અને મીઠું ઉમેરો.
- પનીરને મસાલા સાથે સારી રીતે મિક્સ કરો અને ધીમા તાપે 2-3 મિનિટ માટે રાંધો.
- વધુ સમય સુધી ન રાંધશો, નહીં તો પનીર કઠણ થઈ જશે.
- છેલ્લે, સમારેલા કોથમીરના પાન ઉમેરો અને સારી રીતે મિક્સ કરો.
- આ પછી, બ્રેડ સ્લાઈસ લો અને એક બાજુ માખણ અથવા ધી લગાવો.
- ગરમ તવા પર માખણ લગાવેલી બાજુ મૂકો અને ધીમા તાપે થોડી શેકો.
- હવે બ્રેડની બીજી બાજુ ફુદીનાની ચટણી અથવા ટોમેટો કેચઅપ લગાવો.
- તૈયાર પનીર ભુર્જીનું સ્ટફિંગ સેન્ડવીચની એક સ્લાઈસ પર મૂકો અને તેને બીજી સ્લાઈસથી ઢાંકી દો.
- તેને બંને બાજુ સોનેરી અને ક્રિસ્પી થાય ત્યાં સુધી શેકો.
- સેન્ડવીચને ત્રિકોણાકાર આકારમાં કાપીને ગરમાગરમ સર્વ કરો.