Recipe / બાળકોને સ્કૂલ લંચ બોક્સમાં આપો પનીર પાલક સેન્ડવીચ, ઝટપટ તૈયાર થઈ જશે

જો તમે તમારા બાળકને નાસ્તામાં હેલ્ધી અને ટેસ્ટી આપવા માંગતા હોવ, તો તમે પનીર પાલક સેન્ડવીચ અજમાવી શકો છો. આ વાનગી ખાવામાં ખૂબ જ હેલ્ધી છે અને સાથે જ ઝટપટ તૈયાર પણ થઈ જાય છે. આવી વાનગીઓ સ્કૂલ લંચ બોક્સ માટે ખૂબ જ પસંદ કરવામાં આવે છે. કારણ કે આ વાનગીઓ તૈયાર કરવામાં વધુ સમય નથી લાગતો અને ખાવામાં પણ સ્વાદિષ્ટ હોય છે.

આ પણ વાંચો :

Recipe / મખાના અને રવામાંથી બનાવો ક્રિસ્પી ટિક્કી, નોટ કરી લો સરળ રીત

Recipe / હેલ્ધી બ્રેકફાસ્ટ માટે બેસ્ટ ઓપ્શન છે બનાના કોકોનટ સ્મૂધી, મિનિટોમાં થઈ જશે તૈયાર

પનીરમાં કેલ્શિયમ હોવાથી, તે હાડકાં અને સ્નાયુઓને મજબૂત બનાવે છે, જ્યારે પાલક આયર્નની ઉણપને પૂર્ણ કરવામાં મદદ કરે છે. ચાલો તમને આ સેન્ડવીચની રેસીપી જણાવી દઈએ.

સામગ્રી

• 4 સ્લાઈસ બ્રેડ
• 1 કપ છીણેલું પનીર
• 1 કપ પાલક
• 1 નાની બારીક સમારેલી ડુંગળી
• 1 નાનું બારીક સમારેલું ટમેટું
• 1 બારીક સમારેલું લીલું મરચું
• 1/2 ચમચી કાળા મરી પાવડર
• 1/2 ચમચી ચાટ મસાલા
• સ્વાદ મુજબ મીઠુ
• 1 ચમચી માખણ

બનાવવાની રીત

• પનીર પાલક સેન્ડવીચ બનાવવા માટે, સૌપ્રથમ પાલકને સારી રીતે ધોઈને 2 મિનિટ સુધી ઉકલી લો.
• ત્યારબાદ પાલકને ગાળીને તેને બારીક સમારી લો.
• હવે એક બાઉલમાં છીણેલું પનીર, ડુંગળી, ટામેટા અને લીલા મરચાં નાખો.
• આ પછી, તેમાં મીઠું, કાળા મરી પાવડર અને ચાટ મસાલા ઉમેરીને સારી રીતે મિક્સ કરો.
• હવે બ્રેડ સ્લાઈસ પર માખણ લગાવો અને તેમાં પનીર અને પાલકનું મિશ્રણ ભરો અને બીજી બ્રેડથી ઢાંકી દો.
• આ પછી, સેન્ડવીચને તવા પર બંને બાજુથી ક્રિસ્પી થાય ત્યાં સુધી શેકી લો.
• તમારી હેલ્ધી અને ટેસ્ટી પનીર પાલક સેન્ડવીચ તૈયાર છે.
• આ સેન્ડવીચને ટોમેટો કેચઅપ અથવા લીલી ચટણી સાથે લંચ બોક્સમાં પેક કરો.