Recipe / તંદૂર વગર ઘરે બનાવો ઢાબા સ્ટાઇલ નાન, તેને ચાખીને બધા કરશે તમારા વખાણ

જ્યારે પણ ઘરે પનીરનું શાક કે દાલ મખની બનાવવામાં આવે છે, ત્યારે લોકો તેની સાથે નાન ખાવાનું પસંદ કરે છે. આવી સ્થિતિમાં ઘણા લોકો નાન બહારથી મંગાવે છે. રેસ્ટોરન્ટ કે ઢાબામાં બનાવેલી નાનમાં વધુ પડતો મેંદો, તેલ અને માખણનો ઉપયોગ થાય છે, જે સ્વાસ્થ્ય માટે ખૂબ જ હાનિકારક હોઈ શકે છે.

આ પણ વાંચો :

Recipe : એકદમ ટેસ્ટી અને ક્રિસ્પી આલુના ચીલા, જાણો બનાવવાની સરળ રીત

Recipe / સાંજની ભૂખ સંતોષવા માટે બનાવો સ્વાદિષ્ટ કાઠી રોલ્સ, નોટ કરી લો સરળ રીત

કેટલીક સ્ત્રીઓ નાન ઘરે જ બનાવવા માંગે છે પરંતુ તંદૂરના અભાવે નથી બનાવી શકતી. પરંતુ હવે ચિંતા કરવાની કોઈ જરૂર નથી. અમે તમને તંદૂર વગર ઘરે ઢાબા સ્ટાઇલ નાન બનાવવાની સરળ રીત જણાવીશું. બસ તમારે દરેક સ્ટેપ યોગ્ય રીતે ફોલો કરવા પડશે.

સામગ્રી

• મેંદો - 2 કપ
• દહીં - 2 ચમચી
• બેકિંગ પાવડર - 1 ચમચી
• બેકિંગ સોડા - એક ચપટી
• ખાંડ - 1 ચમચી
• મીઠું - સ્વાદ મુજબ
• હૂંફાળું પાણી અથવા દૂધ - કણક તૈયાર કરવા
• તેલ અથવા ઘી - 1 ચમચી
• કલોંજી
• બારીક સમારેલી કોથમરી
• પાણી
• માખણ અથવા ઘી

બનાવવાની રીત

• સૌથી પહેલા એક મોટા બાઉલમાં મેંદો, બેકિંગ પાવડર, બેકિંગ સોડા, ખાંડ અને મીઠું મિક્સ કરો.
• હવે તેમાં દહીં અને તેલ/ઘી ઉમેરો. હૂંફાળા પાણી અથવા દૂધનો ઉપયોગ કરીને નરમ કણક તૈયાર કરો.
• કણકને તેલથી ગ્રીસ કરો અને તેને ગરમ જગ્યાએ ઢાંકીને 1-2 કલાક માટે રાખી દો.
• નિર્ધારિત સમય પછી કણકમાંથી નાના લુઓ બનાવો.
• હવે એક લુઓ લઈને તેને નાનના આકારમાં વણી લો. તેને થોડી જાડી રાખો.
• હવે આ નાન પર કોથમરી અને કલોંજી છાંટો અને તેને થોડું દબાવો.
• હવે નાનને પલટાવો અને પાછળની બાજુ થોડું પાણી લગાવો. આમ કરવાથી નાનન તવા પર ચોંટી રહેશે.
• હવે લોખંડના તવાને મધ્યમ તાપ પર ગરમ કરો. ગરમ તવા પર નાનની પાણીવાળી  બાજુ મૂકો.
• જ્યારે નાનની ઉપરની સપાટી પર પરપોટા દેખાય અને તે થોડી રાંધાઈ જાય, ત્યારે તવાને ઉંધો કરો.
• હવે તવાને ઉંધો કરો અને નાનને ગેસની આંચ પર શેકો, તેને દરેક બાજુ ફેરવતા રહો.
• આનાથી નાનને તંદૂર જેવો રંગ અને ટેક્સચર મળશે. ગેસની આંચ મિડીયમ રાખો જેથી નાન બળી ન જાય.
• જ્યારે નાન સારી રીતે રાંધાઈ જાય, ત્યારે તેને તવામાંથી કાળજીપૂર્વક કાઢી લો. તરત જ માખણ અથવા ઘી લગાવો અને ગરમાગરમ સર્વ કરો.