Recipe / શ્રાવણ મહિનાના વ્રત દરમિયાન બનાવો ક્રિસ્પી સાબુદાણા ટિક્કી, આ રહી સરળ રીત

શ્રાવણ મહિનો શરૂ થઈ ગયો છે. આ મહિના દરમિયાન ઘણા ભક્તો ભગવાન શિવને પ્રસન્ન કરવા માટે પૂજા અને ઉપવાસ કરતા હોય છે. ઉપવાસ દરમિયાન, લોકો શરીરમાં ઉર્જા અને સારો સ્વાદ જાળવવા માટે ફરાળમાં ઘણી પ્રકારની વસ્તુઓ બનાવે છે અને ખાય છે. જો તમે પણ આવી મસાલેદાર રેસીપી શોધી રહ્યા છો, તો ક્રિસ્પી સાબુદાણા ટિક્કીની રેસીપી ટ્રાય કરી જુઓ. તે ખાવામાં ખૂબ જ સ્વાદિષ્ટ છે, સાથે જ તે તમને આખો દિવસ ઉર્જાવાન પણ રાખશે.

આ પણ વાંચો :

Recipe : વરસાદી ઋતુમાં માણો ચટાકેદાર વાનગીનો સ્વાદ, એકવાર બનાવશો તો ખાતા રહી જશો 

Recipe : રક્ષાબંધનમાં બનાવો દુકાન જેવા કાજુ મખાના પિસ્તા રોલ, બધા કરશે વાહ-વાહ

સામગ્રી

• 1 કપ સાબુદાણા
• 2 ચમચી બારીક સમારેલી કોથમરી
• 1 ચમચી લીંબુનો રસ
• 2 મધ્યમ કદના બાફેલા બટાકા
• સ્વાદ મુજબ મીઠું
• 2 બારીક સમારેલા લીલા મરચાં
• 1 ચમચી છીણેલું આદુ
• અડધો કપ શેકેલા અને બરછટ વાટેલા મગફળીના દાણા
• ટિક્કી તળવા માટે દેશી ઘી અથવા તેલ

બનાવવાની રીત

• સાબુદાણા ટિક્કી બનાવવા માટે, પહેલા સાબુદાણાને સારી રીતે ધોઈ લો અને લગભગ 6 કલાક પાણીમાં પલાળી રાખો.
• નિર્ધારિત સમય પછી, સાબુદાણાને ગાળીને ચેક કરો કે સાબુદાણા નરમ થયા છે કે નહીં.
• હવે બાફેલા બટાકાને એક મોટા વાસણમાં મેશ કરો અને તેમાં સાબુદાણા, મગફળીના દાણા, લીલા મરચાં, આદુ, કોથમરી, મીઠું અને લીંબુનો રસ ઉમેરો
• હવે બધું સારી રીતે મિક્સ કરો. ધ્યાનમાં રાખો કે મિશ્રણ ખૂબ ભીનું ન હોવું જોઈએ.
• હવે આ મિશ્રણમાંથી મધ્યમ કદની ટિક્કી બનાવી લો.
• ત્યારબાદ એક કઢાઈમાં થોડું ઘી અથવા તેલ ગરમ કરો.
• તૈયાર કરેલી ટિક્કીઓને ઘીમાં ધીમા તાપે બંને બાજુથી સોનેરી અને ક્રિસ્પી થાય ત્યાં સુધી તળી લો.
• તમારી સાબુદાણા ટિક્કી તૈયાર છે. તેને લીલી ચટણી અથવા દહીં સાથે ગરમાગરમ સર્વ કરો.