Health Tips : શરીરમાં આ સંકેત દેખાય તો ચેતજો, હોય થઈ શકે છે થાઈરોઈડ બીમારી
છેલ્લું અપડેટ : 07 Sept 2025
આજે કેન્સર અને હાર્ટએટેકની જેમ થાઈરોડની બીમારીના કેસ વધી રહ્યાં છે. ખાસ કરીને મહિલાઓમાં થાઈરોડનું જોખમ વધારે જોવા મળે છે. પરંતુ અનેક વખત ખ્યાલ નથી આવતો કે થાઈરોડઈ બીમારી થઈ છે કે કેમ? થાઇરોઇડ હોર્મોનલ રોગની સમયસર કાળજી લેવામાં ન આવે તો તે ગંભીર બની શકે છે. જ્યારે કોઈ વ્યક્તિને થાઈરોઈડ હોય છે ત્યારે ઘણી પ્રકારની સમસ્યાઓ થવા લાગે છે, જે નિદાન ન થાય ત્યાં સુધી તેને પરેશાન કરતી રહે છે. આપણા શરીરમાં કોઈપણ બીમારી થાય તે પહેલા કેટલાક સંકેત મળે છે જેની આપણે અવગણના કરીએ છીએ.
શરીરમાં થાઈરોડ રોગ થવાના સંકેત
થાઇરોઇડની ગ્રંથિ ગળાના નીચેના ભાગમાં હોય છે. આ ગ્રંથિ શરીરને ચલાવવા માટે હોર્મોન્સ મુક્ત કરે છે. થાઈરોઈડ રોગના લક્ષણો તેના પ્રકાર પર આધાર રાખે છે. હાઇપોથાયરોઈડિઝમ (થાઈરોઈડ હોર્મોનની અછત) કે હાઇપરથાયરોઈડિઝમ (થાઈરોઈડ હોર્મોનનું વધુ સ્તર). નીચે બંને પ્રકારના સામાન્ય લક્ષણો આપેલા છે:
હાઇપોથાયરોઈડિઝમ (Hypothyroidism) – થાઈરોઈડ હોર્મોન ઓછું બને ત્યારે:
- થાક લાગવો અને ઉંઘ વધુ આવવી
- વજન વધવું (ખોરાક ન વધારતા છતાં)
- ઠંડક વધુ લાગવી
- ત્વચા સૂકી થવી
- કબજિયાત
- વાળ ખરવા / વાળ પાતળા થવા
- ચહેરા પર સુઝન
- ઊંડા ડિપ્રેશન જેવા લક્ષણો
- ધીમું ધબકતું હૃદય (slow heart rate)
હાઇપરથાયરોઈડિઝમ (Hyperthyroidism) – થાઈરોઈડ હોર્મોન વધુ બને ત્યારે:
- ઊર્જા વધું હોવા છતાં થાક લાગવો
- વજન ઘટાડો (ખોરાક પૂરતું હોવા છતાં)
- ગરમી વધુ લાગવી
- વધારે પરસેવો આવવો
- ધબકારા વધુ આવવા (fast heart rate)
- ચિંતાનો અનુભવ
- હાથ કંપાવા
- ઉંઘમાં ખલેલ
- આંખો ઉભરી જવાં (Graves’ disease માં)
- માસિક ધર્મમાં અવ્યવસ્થા
શરીરમાં જો આ ફેરફાર જોવા મળે તો ત્યારે તેની નોંધ લો અને તબીબી તપાસ કરાવો. તબીબી તપાસમાં એકવાર થાઈરોઈડનું નિદાન થાય તો તેની સારવાર કરવી સરળ બની જાય છે. શરીરના આ લક્ષણો થાઈરોડ બીમારીના સંકેત આપે છે.
નોંધ: આ સમાચાર માત્ર તમને જાગૃત કરવાના હેતુથી લખવામાં આવ્યા છે. કોઈપણ વસ્તુના ઉપયોગથી થતા નુકસાન માટે GSTV જવાબદાર રહેશે નહીં.