VIDEO: Beauty/ મોંઘી ક્રીમના ઉપયોગ વગર જ હવે મોઢા પર આવતી કરચલીઓને મિનિટોમાં કરો ગાયબ!
છેલ્લું અપડેટ : 30 May 2026
ઉંમરની સાથે કોલેજનનું ઓછું થવું, યોગ્ય રીતે સન પ્રોટેક્શન ન કરવું અને અન્ય ઘણા કારણોસર ચહેરા પર ઝીણી રેખાઓ અથવા ક્રીઝ દેખાવા લાગે છે. આને રિવર્સ કરવી તો મુશ્કેલ છે પરંતુ તેને ઓછી કરવા માટે ઘણા બધા પ્રોડક્ટ્સ ઉપલબ્ધ છે અને તેમાંથી જ એક અસરકારક રીત છે રિંકલ પેચીસ.
આ જગ્યાઓ પર સૌથી વધુ કરચલીઓ દેખાય છે
આમ તો મોટાભાગની ઝીણી રેખાઓ કે કરચલીઓ વધતી ઉંમરની સાથે દેખાય છે, પરંતુ મસલ મૂવમેન્ટ પણ આનું એક ફેક્ટર હોઈ શકે છે. જેમ કે ભમરની વચ્ચે બનતી “11” રિંકલ્સ, કપાળ પર બનતી આડી રેખાઓ, આંખોના ખૂણા પર બનતી લકીરો.
શું હોય છે રિંકલ પેચીસ?
સામાન્ય રીતે આ પેચીસ ચોંટાડી શકાય તેવા પેપર હોય છે જેને મસલ્સને પોતાની જગ્યા પર સ્થિર રાખવા માટે રાતભર લગાવીને રાખવામાં આવે છે. આને આંખોની આસપાસ, કપાળ પર, મોંની આસપાસ અને ગરદન પર લગાવી શકાય છે. કેટલાક પેચીસમાં સ્કીન ફ્રેન્ડલી તત્વો જેવા કે રેટિનોલ હોય છે. અમેરિકન એકેડેમી ઓફ ડર્મેટોલોજી અનુસાર, રેટિનોલ સ્કીનના ટેક્સચર, પિગમેન્ટેશન અને ટોનને એકસમાન કરીને તેને વધુ સારો બનાવે છે.
વધુ કરકસરયુક્ત
ઘણા રિંકલ પેચીસ સિલિકોનથી બનેલા હોય છે, જેનો ફરીથી ઉપયોગ કરી શકાય છે અને અન્ય સ્કીન કેર પ્રોડક્ટ્સની સરખામણીમાં તે સસ્તા હોય છે. તમે તમારી જરૂરિયાત મુજબ લક્ઝરી પેચીસ પણ પસંદ કરી શકો છો.
આ રીતે કામ કરે છે રિંકલ પેચીસ:
તે જગ્યાઓની મૂવમેન્ટને મર્યાદિત કરી દે છે જ્યાં રિંકલ પેચ લગાવવામાં આવ્યો છે.
આનું હળવું દબાણ સ્કીનને ખેંચીને રાખે છે અને મૂવમેન્ટને ઓછી કરે છે.
હાઇડ્રેશનને રીસ્ટોર (પાછું મેળવવામાં) કરી દે છે, જેના કારણે ઝીણી રેખાઓ આછી થવા લાગે છે.
સેન્સિટિવ સ્કીન વાળા પહેલા પેચ ટેસ્ટ કરી લે
આમ તો રિંકલ પેચીસને ઉપયોગ માટે સુરક્ષિત માનવામાં આવે છે પરંતુ તેમાં રહેલા એડહેસિવથી સેન્સિટિવ સ્કીન વાળા લોકોને એલર્જી થઈ શકે છે. એટલું જ નહીં, રેટિનોલ આવી સ્કીનને સૂર્યના કિરણો પ્રત્યે વધુ સેન્સિટિવ બનાવી શકે છે.
થોડા કલાકો સુધી જ રહે છે અસર
ભલે રિંકલ પેચીસના ઉપયોગના તરત પછીથી જ સ્કીન સોફ્ટ અને સ્મૂધ દેખાવા લાગે છે, પરંતુ આનો પ્રભાવ કાયમી ન હોઈને માત્ર થોડા કલાકો સુધી જ રહે છે. આ બોટોક્સનો વિકલ્પ નથી. ઘણી હદ સુધી આ શીટ માસ્કની જેમ જ કામ કરે છે.