Hair Care Tips / ઘરે જ મેળવો કેરાટિન ટ્રીટમેન્ટ જેવા સિલ્કી અને સ્ટ્રેટ વાળ! બસ અજમાવો આ ઉપાય
છેલ્લું અપડેટ : 20 Feb 2026
આજના સમયમાં વધતા પ્રદૂષણ અને યોગ્ય જાળવણીના અભાવે વાળ ડલ અને ડ્રાય થઈ રહ્યા છે. જ્યારે વાળને નુકસાન થાય છે, ત્યારે તેમાં રહેલું કુદરતી કેરાટિન ખતમથઈ જાય છે. તેથી, લોકો કેરાટિન ટ્રીટમેન્ટનો આશરો લે છે. કેટલાક લોકો માને છે કે કેરાટિન ટ્રીટમેન્ટથી વાળને સ્ટ્રેટ થઈ જાય છે, પરંતુ આ સાચું નથી. કેરાટિન ટ્રીટમેન્ટ વાળને સ્વસ્થ બનાવે છે, જેનાથી તે સ્ટ્રેટ દેખાય છે. જોકે, આ ટ્રીટમેન્ટ ખૂબ મોંઘી છે, તેના માટે હજારો રૂપિયાનો ખર્ચ કરવો પડે છે. આવી સ્થિતિમાં તમે ઘરે ફક્ત થોડા રૂપિયામાં તમારા વાળને નરમ અને ચમકદાર બનાવી શકો છો. ચાલો જાણીએ કેવી રીતે.
હેર માસ્ક કેવી રીતે બનાવવો?
ચોખાનું પાણી
પલાળેલા ચોખા અને નારિયેળનું તેલ લો. તેને ગ્રાઇન્ડરમાં સ્મૂથ પેસ્ટમાં પીસી લો. જો તે ખૂબ જાડું હોય, તો થોડું નારિયેળનું દૂધ ઉમેરો. હવે તેને પહેલા તમારા સ્કેલ્પ પર લગાવો, પછી તેને વાળના મૂળથી લઈને છેડા સુધી લગાવો અને તેને થોડા સમય માટે રહેવા ડો. ધ્યાનમાં રાખો કે આ સમય દરમિયાન તમારા વાળને ખુલ્લા રાખવાના છે. તેને લગભગ 30 મિનિટ સુધી રહેવા દો, પછી તમારા વાળને ધોઈ લો.
જિલેટીન માસ્ક
1 ચમચી જિલેટીન, એપલ સાઈડર વિનેગર, ગુલાબ, જાસ્મીન, રોઝમેરી અથવા ક્લેરી સેજ જેવા એસેંશિયલ ઓઈલના થોડા ટીપા અને 1 કપ ગરમ પાણી સાથે માસ્ક તૈયાર કરો. માસ્કને તમારા વાળ પર 15 મિનિટ માટે રહેવા દો અને પછી તેને ધોઈ લો. આ માસ્ક તમારા વાળને પોષણ આપે છે, જેનાથી તે સિલ્કી બને છે.
કેળાનો માસ્ક
આ માટે મેશ કરેલા કેળા અને ઓલિવ ઓઈલનો માસ્ક બનાવો. તૈયાર કરેલા માસ્કને તમારા સ્કેલ્પ પર સારી રીતે લગાવો. તેને લગભગ એક કલાક રહેવા દો અને પછી તમારા વાળને હૂંફાળા પાણીથી ધોઈ લો. કેળામાં રહેલું પોટેશિયમ ડ્રાય વાળને પોષણ આપશે અને તેને નરમ બનાવશે.
ખાસ નોંધ: આ સામાન્ય માહિતી છે, વ્યક્તિગત સલાહ નથી. કોઈપણ વસ્તુનો ઉપયોગ કરતા પહેલા નિષ્ણાતની સલાહ લો. કોઈપણ વસ્તુના ઉપયોગથી થતા નુકસાન માટે GSTV જવાબદાર રહેશે નહીં.
