VIDEO: Skin Care Tips / ફક્ત સનસ્ક્રીન લગાવવું પૂરતું નથી! સૂર્યના સંપર્કમાં આવતા પહેલા ફોલો કરો આ સ્કિન કેર રૂટીન
છેલ્લું અપડેટ : 12 Mar 2026
માર્ચ મહિનો મહિનો શરુ થતાની સાથે જ તાપમાન ધીમે ધીમે વધી રહ્યું છે અને લોકોએ સનસ્ક્રીન લગાવવાનું શરૂ કરી દીધું છે. પરંતુ શું ફક્ત સનસ્ક્રીન લગાવવું પૂરતું છે? કેટલાક લોકો માને છે કે ફક્ત સનસ્ક્રીન લગાવવાથી તેમની ત્વચા સૂર્યના કઠોર કિરણોથી સુરક્ષિત રહેશે. પરંતુ આ સાચું નથી. આજના સમયમાં વધતી ગરમી, યુવી કિરણો, ધૂળ અને પ્રદૂષણ આપણી ત્વચા પર ઊંડી અસર કરે છે. ફક્ત એક જ ઉત્પાદન પર આધાર રાખવાથી સંપૂર્ણ રક્ષણ નથી મળતું. જો ત્વચાની યોગ્ય રીતે કાળજી લેવામાં ન આવે, તો ટેનિંગ, સનબર્ન, પિગમેન્ટેશન, ડ્રાયનેસ અને અકાળે કરચલીઓ જેવી સમસ્યાઓ પણ થઈ શકે છે.
સ્કિન કેર નિષ્ણાતો માને છે કે સૂર્યના સંપર્કમાં આવતા પહેલા ત્વચાને તૈયાર કરવી સનસ્ક્રીન લગાવવા જેટલી જ મહત્ત્વપૂર્ણ છે. જો ત્વચા સ્વચ્છ, હાઈડ્રેટેડ અને યોગ્ય રીતે સુરક્ષિત હોય, તો સૂર્યના કિરણોથી થતા નુકસાનને નોંધપાત્ર રીતે ઘટાડી શકાય છે. તેથી, બહાર નીકળતા પહેલા યોગ્ય સ્કિન કેર રૂટીન અપનાવવું જરૂરી છે, જે ફક્ત તમારી ત્વચાને સૂર્યના કિરણોથી જ નહીં બચાવે, પરંતુ તેને સ્વસ્થ અને ચમકદાર પણ રાખે છે.
સૌપ્રથમ હળવું ક્લીંઝીંગ કરો
સૂર્યના સંપર્કમાં આવતા પહેલા ચહેરો સાફ કરવો ખૂબ જ જરૂરી છે. આખી રાત ત્વચા પર જમા થયેલ તેલ, પરસેવો અને ગંદકી દૂર ન કરવામાં આવે તો સ્કિન કેર પ્રોડક્ટ્સ અસરકારક રીતે કાર્ય કરતા નથી. તેથી, બહાર જતા પહેલા તમારા ચહેરાને હળવા ફેસ વોશ અથવા ક્લીંઝરથી સારી રીતે ધોઈ લો. આ ત્વચાને તાજી રાખે છે અને ત્યારબાદના પ્રોડક્ટ્સ સરળતાથી એબઝોર્બ થાય છે.
ટોનરથી ત્વચાને સંતુલિત કરો
ચહેરો સાફ કર્યા પછી ટોનરનો ઉપયોગ કરવો પણ આવશ્યક માનવામાં આવે છે. ટોનર ત્વચાના pH લેવલને સંતુલિત કરવામાં મદદ કરે છે અને ખુલ્લા પોર્સને ટાઈટ કરે છે. તે હળવું હાઈડ્રેશન પણ પ્રદાન કરે છે, જેનાથી ત્વચા દિવસભર ફ્રેશ અને સોફ્ટ રહે છે. કોટન પેડ અથવા તમારા હાથનો ઉપયોગ કરીને ચહેરા પર હળવા હાથે ટોનર લગાવો.
મોઇશ્ચરાઇઝરથી હાઇડ્રેટ કરો
ઘણા લોકો ઉનાળા દરમિયાન મોઇશ્ચરાઇઝર લગાવવાનું છોડી દે છે, પરંતુ આ એક મોટી ભૂલ હોઈ શકે છે. સૂર્ય અને ગરમ હવા ત્વચાના ભેજને ઝડપથી ઘટાડે છે. હળવું, ઓઈલ ફ્રી મોઇશ્ચરાઇઝર લગાવવાથી ત્વચા હાઈડ્રેટેડ રહે છે અને ડ્રાયનેસ અટકે છે. તે એક રક્ષણાત્મક સ્તર પણ બનાવે છે.
છેલ્લે સનસ્ક્રીન લગાવો
તમારા સ્કિન કેર રૂટીનમાં સૌથી મહત્ત્વપૂર્ણ પગલું સનસ્ક્રીન છે. સૂર્યના સંપર્કમાં આવવાના આશરે 15-20 મિનિટ પહેલા SPF 30 કે તેથી વધુનું સનસ્ક્રીન લગાવો. તેને ચહેરા, ગરદન અને હાથ પર લગાવો. સનસ્ક્રીન ત્વચાને હાનિકારક યુવી કિરણોથી બચાવવામાં મદદ કરે છે અને ટેનિંગ, સનબર્ન અને પિગમેન્ટેશન જેવી સમસ્યાઓનું જોખમ ઘટાડે છે.