VIDEO: ભારે વરસાદે દીવાલ ધરાશાયીઃ છ લોકો ફસાયા હોવાની આશંકા
છેલ્લું અપડેટ : 07 Aug 2026
સોર્સ : gstv
પુડુચેરીના મેટ્ટુપાલયમ લારી ટર્મિનલ નજીક ભારે વરસાદના કારણે એક દીવાલ અચાનક ધરાશાયી થતાં ગંભીર અકસ્માત સર્જાયો છે. દીવાલનો કાટમાળ નીચે ઓછામાં ઓછા છ લોકો ફસાયા હોવાની આશંકા વ્યક્ત કરવામાં આવી રહી છે. ઘટનાની જાણ થતાં જ પોલીસ, ફાયર બ્રિગેડ અને બચાવ દળની ટીમો તાત્કાલિક સ્થળ પર પહોંચી ગઈ હતી. જેસીબી અને અન્ય સાધનોની મદદથી કાટમાળ હટાવવાની કામગીરી યુદ્ધના ધોરણે શરૂ કરવામાં આવી છે. ઇજાગ્રસ્તોને તાત્કાલિક સારવાર માટે હોસ્પિટલ ખસેડવાની તૈયારી રાખવામાં આવી છે. સતત વરસાદને કારણે બચાવ કામગીરીમાં મુશ્કેલી પડી રહી છે. અધિકારીઓ સમગ્ર પરિસ્થિતિ પર નજર રાખી રહ્યા છે.
