VIDEO/ હરિયાણામાં વાતાવરણ પલટાયું: વેસ્ટર્ન ડિસ્ટર્બન્સના કારણે અંબાલામાં ગાજવીજ સાથે વરસાદ
છેલ્લું અપડેટ : 03 May 2026
સોર્સ : GSTV
હરિયાણાના અંબાલામાં અચાનક હવામાનમાં પલટો આવ્યો છે. કાળઝાળ ગરમી વચ્ચે મે મહિનાની શરૂઆતમાં જ વરસાદ પડતા સ્થાનિક લોકોને ગરમીથી મોટી રાહત મળી છે.વેસ્ટર્ન ડિસ્ટર્બન્સના કારણે અંબાલા સહિત આસપાસના વિસ્તારોમાં વાતાવરણ બદલાયું છે. આજે સવારથી જ આકાશ કાળા ડિબાંગ વાદળોથી ઘેરાઈ ગયું હતું અને ત્યારબાદ ગાજવીજ સાથે હળવો વરસાદ શરૂ થયો હતો. આ વરસાદને કારણે તાપમાનમાં 3થી 4 ડિગ્રીનો ઘટાડો નોંધાયો છે.હવામાન વિભાગના જણાવ્યા અનુસાર, આગામી બે-ત્રણ દિવસ સુધી વાદળછાયું વાતાવરણ રહેશે અને છૂટોછવાયો વરસાદ પડી શકે છે. એક તરફ ગરમીમાં રાહત મળી છે, તો બીજી તરફ ખુલ્લામાં પડેલા પાકને નુકસાન થવાની ભીતિથી ખેડૂતોમાં ચિંતા પણ જોવા મળી રહી છે.
