VIDEO: તૂથૂકુડીમાં બાયપાસ રોડ પર ભયાનક આગ: ખાનગી કોટન ગોડાઉન બળીને ભસ્મીભૂત!
છેલ્લું અપડેટ : 02 Aug 2026
સોર્સ : gstv
તમિલનાડુના તૂથૂકુડીમાં બાયપાસ રોડ પર આવેલા એક ખાનગી કોટન (રૂ) ના ગોડાઉનમાં અચાનક ભીષણ આગ ફાટી નીકળતાં ભારે અફરાતફરી મચી ગઈ હતી. રૂનો જથ્થો હોવાના કારણે આગે જોતજોતામાં રૌદ્ર સ્વરૂપ ધારણ કરી લીધું હતું અને સમગ્ર ગોડાઉનને લપેટમાં લઈ લીધું હતું. ઘટનાની જાણ થતાં જ ફાયર બ્રિગેડની ટીમો સ્થળ પર દોડી ગઈ હતી અને ભારે જહમત બાદ આગ પર કાબૂ મેળવવાના પ્રયાસો હાથ ધર્યા હતા. આ હોનારતમાં મોટા પ્રમાણમાં રૂનો કિંમતી જથ્થો બળીને ખાખ થઈ જતાં ગોડાઉન માલિકને ભારે આર્થિક નુકસાન થવાની ભીતિ સેવાઈ રહી છે. સદનસીબે આગની આ ઘટનામાં કોઈ જાનહાનિના અહેવાલ નથી, જ્યારે આગ લાગવાનું પ્રાથમિક કારણ શોર્ટ સર્કિટ હોવાનું અનુમાન લગાવવામાં આવી રહ્યું છે.
