VIDEO: પહેલગામમાં વાદળ ફાટતાં અચાનક પૂર, કાટમાળના ઢગલા

જમ્મુ-કાશ્મીરના પહેલગામના નલ્લા અવૂરા વિસ્તારમાં વાદળ ફાટવાની ઘટનાથી અચાનક પૂર જેવી સ્થિતિ સર્જાઈ હતી. ભારે વરસાદ બાદ આવેલા જોરદાર પાણીના પ્રવાહે વિસ્તારમાં મોટા પ્રમાણમાં કાટમાળ, પથ્થરો અને કાદવ ફેલાઈ ગયો હતો. પૂરનાં પાણીથી સ્થાનિક માર્ગો અને આસપાસના વિસ્તારોને નુકસાન પહોંચ્યું હોવાનું સામે આવ્યું છે. ઘટનાની જાણ થતાં સ્થાનિક પ્રશાસન અને બચાવ દળો સ્થળ પર પહોંચી પરિસ્થિતિનું મૂલ્યાંકન કરી રહ્યા છે. અસરગ્રસ્ત વિસ્તારોમાં સુરક્ષા પગલાં વધારવામાં આવ્યા છે અને લોકોને સાવચેતી રાખવા અપીલ કરવામાં આવી છે. અધિકારીઓ પરિસ્થિતિ પર સતત નજર રાખી રહ્યા છે તેમજ નુકસાનનું આકલન કરવાની કામગીરી હાથ ધરવામાં આવી છે. હાલમાં કાટમાળ હટાવવાની અને સામાન્ય સ્થિતિ પુનઃસ્થાપિત કરવાની કામગીરી યુદ્ધના ધોરણે ચાલુ છે.