VIDEO: મીનાક્ષી નટરાજનનું ઉમેદવારી પત્ર ચકાસણી દરમિયાન રદ

મધ્ય પ્રદેશમાં રાજ્યસભા ચૂંટણી પહેલાં કોંગ્રેસને મોટો રાજકીય ઝટકો લાગ્યો છે. કોંગ્રેસ ઉમેદવાર મીનાક્ષી નટરાજનનું ઉમેદવારી પત્ર ચકાસણી દરમિયાન રદ થયું.   ભાજપે તેમના પર ઉમેદવારી પત્ર એફિડેવિટમાં એક ગુનાહિત કેસની માહિતી છુપાવી હોવાનો આરોપ લગાવ્યો હતો. ભાજપના નેતા કૈલાશ વિજયવર્ગીય અને રાકેશ સિંહે  આ મામલે વાંધો ઉઠાવ્યો હતો.  રિટર્નિંગ ઓફિસરે મીનાક્ષી નટરાજનને સ્પષ્ટતા રજૂ કરવા સમય આપ્યો હતો, પરંતુ જવાબથી અસંતુષ્ટ રહી નામાંકન રદ કરવાનો નિર્ણય લેવામાં આવ્યો. આરોપ મુજબ તેમણે હૈદરાબાદની એક અદાલતમાં પેન્ડિંગ આપરાધિક કેસની વિગતો જાહેર કરી નહોતી. હવે ભાજપના ઉમેદવાર મહેશ કેવટનો રાજ્યસભામાં બિનહરીફ વિજય લગભગ નિશ્ચિત માનવામાં આવી રહ્યો છે.